Wuok 26:1 - MUMA MALER 2015

¹ “Los Hema Maler gi pasia apar mag law katana maber. Nyaka gor kuomgi kido mar kerubi gi usi mambulu gi maralik kod makwar, ma jatweng’o ma olony ema ogoro.

Motingʼo Loko Manyien

¹ “Los Hemb Romo gi pasia apar mar law mayom momin man-gi rangi marambulu gi maralik kod marakwaro ka ogorie kido mar malaika mar kerubi gi jagoro molony.

Wuok 26:1 ပူးပေါင်းရင်းမြစ်များ

2 Samuel 7:2

nowacho ni Nathan janabi niya, “Koro an adak e ot moger maber gi yiend sida, to Sanduk mar Nyasaye odak mana e hema.”

1 Ruodhi 6:29

Kor ot duto, ma iye gi maoko nopayoe kido mag kerubi gi mag yiend othidhe kod thiepe moyarore,

1 Weche mag Ndalo 17:1

Kane Daudi osechako dak e ode mane ogero, nowacho ni Nathan janabi niya, “Koro an adak e ot moger maber gi yiend sida, to Sandug Muma mar Ruoth Nyasaye nie hema.”

1 Weche mag Ndalo 21:29

Kata obedo ni e ndalogo Hema Maler mar Ruoth Nyasaye kod kendo-mar-misango mane Musa oloso e thim ne pod ni e hembko man Gibeon,

Wuok 25:18

Kaw dhahabu, ithedhgo kido ariyo machalo gi malaika miluongo ni kerubi, mondo gibed gimoro achiel gi raum, mondo obed kar ng’wono.

Wuok 25:4

kaachiel gi law mambulu kod marathuol kod makwar, kod law katana maber, gi yie diek,

Wuok 25:8

Bang’ mano gigerna Kama Ler mondo adag kodgi.

Wuok 26:2

Bor pasia ka pasia nyaka bed mita apar gang’wen, to lachne mita ariyo, kendo giduto nyaka gibed maromre.

Wuok 26:31

“Twang’ pasia mar law katana maber. Nyaka jatueng’o molony gor kuome kido mag kerubi gi usi mambulu gi maralik kod makwar.

Wuok 26:36

Los ni dho Hema pasia mar law katana maber. Nyaka gorie maradadi gi usi mambulu gi maralik kod makwar.

Wuok 31:7

Ginilos Hemb Romo, kod Sandug Rapar gi raumne kod gik moko duto mag hema,

Wuok 35:11

Ginilos Hema Maler, gi hembe maoko, kod raumne, gi ramekni mage, gi bepene, gi raripene, gi rachungine,

Wuok 35:35

Osemiyogi rieko mathoth mar tiyo tije duto mag lwedo, kaka tich goro kite, gi mar kwoyo nanga, gi mar tweng’o gi usi mambulu gi maralik, gi mar loso law katana maber, kod mar chweyo nanga. Gin ji manyalo timo tich moro amora.

Wuok 35:6

gi nanga mambulu gi maralik kod makwar, gi law katana maber, gi yie diek,

Wuok 36:35

Ne gitwang’o pasia mar law katana maber, mi gigoyoe kuome kido mag kerubi gi usi mambulu gi maralik kod makwar, mana kaka jatueng’o molony goro.

Wuok 39:3

Ne gipamo dhahabu nyaka odoko mareprep, mi ne gilire matindotindo, kendo ne gikade ka tol mondo jatweng’o molony oti kode kaachiel gi usi mambulu gi maralik kod makwar kod law katana maber.

Wuok 40:2

“Chieng’ due achiel mar due mokwongo, nyaka ichung Hema Maler, ma en Hemb Romo.

Kwan 3:25

To kuom tich Hemb Romo, joka Gershon ne omi tich rito Hema Maler, kaachiel gi gik miumego, kod pasia mar dhood Hemb Romo,

Kwan 4:25

Giniting’ pasia mag Kama Ler kendo giniting’ Hemb Romo gi law miumego, kaachiel gi piende monyong’ moluow kuome, gi pasia mar dhood Hemb Romo,

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Johana 2:21

To Hekalu mane Yesu wuoyo kuome ne mana ringre owuon,

Jo-Hibrania 8:2

Obet kanyo ka otiyo Kama Ler maradier, ma en hema ma Nyasaye ema oguro, to ok dhano.

Jo-Hibrania 9:2

Ne olos hema ma ong’ad iye ariyo. Kama ikwongo donjoe iluongo ni Kama Ler. Kanyo ema ne nitie rachung taya, gi mesa moketie Makati miketo e nyim Nyasaye pile.

Jo-Hibrania 9:9

Mano en ranyisi manyiso kaka gik moko chalo e kinde ma kawuono. Onyiso ni mich gi misengni ma ichiwo ni Nyasaye ok nyal miyo chuny jalemo bedo malong’o chuth,

Fweny 19:8

kendo Nyasaye oseyiene mondo orwakre gi nanga maber mapichni kendo maler.” (Nanga maberno ochung’ kar tim makare mar jo-Nyasaye)

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.