Wuok 25:8 - MUMA MALER 2015

⁸ Bang’ mano gigerna Kama Ler mondo adag kodgi.

Motingʼo Loko Manyien

⁸ “Bangʼ mano gigerna kama ler mar lemo kendo anadag kodgi.

Wuok 25:8 ပူးပေါင်းရင်းမြစ်များ

1 Ruodhi 6:13

Anadag kod joga Israel, mak aweyogi ngang’.”

1 Weche mag Ndalo 22:19

Omiyo koro keturu chunyu gi parou kuom dwaro Ruoth Nyasaye ma Nyasachu. Chakuru gero Hekalu ni nying Ruoth Nyasaye mondo Sandug Muma mare, kod gik maler mitiyogo kilame, oyudie kar bet.”

Wuok 15:17

A Ruoth Nyasaye, ibiro rwakogi, kendo ibiro chwoyogi ka kodhi e godi iwuon, kama niloso mondo obed kar dakni,

Wuok 15:2

Ruoth Nyasaye e tekona, kendo e wenda, En ema osewara. En e Nyasacha, kendo abiro pake. En e Nyasach wuora, kendo abiro miye duong’.

Wuok 29:45

Anadag gi jo-Israel, mi anabed Nyasachgi,

Wuok 29:46

kendo dakna kodgino nomi ging’e ni an e Ruoth Nyasaye ma Nyasachgi ma nogologi Misri. Adier, an Ruoth Nyasaye an Nyasachgi.

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Ezekiel 37:26

Abiro timo kodgi singruok mochwere makelonigi kue. Anami gimedre, mi aket Hekaluna e pinygi, kendo nobed kuno nyaka chieng’.

Ezekiel 37:28

Ka aketo Hekaluna kanyo mondo obed e kindgi nyaka chieng’, eka ogendini nong’e ni an, Ruoth Nyasaye, ema aseyiero jo-Israel obed joga awuon.”

Ezekiel 43:7

“Wuod dhano, Hekaluni e koma mar duong’, kendo en e kama atenoe tienda. Abiro dak kaeri e kind jo-Israel nyaka chieng’. Jo-Israel, kata ruodhigi, ok nochak okel ni nyinga maler wichkuot kuom lamo nyiseche mamoko, kata kuom chungo kite ma giparogo ruodhigi motho.

Tim jo-Lawi 10:4

Musa nooro wach, mi oluongne Mishael gi Elzafan ma yawuot Uziel, ma owadgi wuon Harun kod yawuote ma Eleazar gi Ithamar niya, “Biuru uting’ ringre oweteu ugol oko mondo oa Kama Ler.”

Tim jo-Lawi 21:12

Kik owuog oa Kama Ler, nikech dipo ka omiyo Kama Ler mar Nyasache obedo mogak, nimar osewale gi mor wir mar Nyasache. An e Ruoth Nyasaye.

Tim jo-Lawi 26:11

Analos kar dakna kuomu, kendo ok najuang’u.

Tim jo-Lawi 4:6

Enolut lith lwete e remono, kendo nokir nyadibiriyo e nyim pasia maler e nyim Ruoth Nyasaye.

Zekaria 2:10

Ruoth Nyasaye wacho kama: “Un jo-Sayun, koguru matek, kendo beduru mamor, nikech abiro mondo adag e kindu.”

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

Kwan 5:3

Nyaka uketgi gidag oko mar kambi, bed ni gin chwo kata mon, mondo kik gidwany kambeu, kuonde ma adake kodu.”

Tich Joote 7:44

“Kane kwerewa nie thim, ne gin kod Hemb Rapar. Nolose mana kaka Nyasaye nosenyiso Musa, kowachone ni nyaka olose mana machal gi kido mane oseneno.

2 Jo-Korintho 6:16

Ere winjruok ma Hekalu mar Nyasaye nigo gi nyiseche manono? Apenjou kamano nikech wan e Hekalu mar Nyasaye Mangima, mana kaka Nyasaye nowacho niya, “Abiro dak kodgi, kendo anawuoth kuomgi. Anabed Nyasachgi, kendo ginibed joga.”

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Jo-Hibrania 3:6

To Kristo en jaadiera e od Nyasaye kaka wuowi ma jatend od wuon mare. Wan e jood Nyasaye, to mana ka wasiko gi chir kod geno ma ok dog chien.

Joshua 22:31

Eka Finehas wuod Eleazar jadolo nowacho ni jo-Reuben gi jo-Gad kod jo-Manase niya, “Kawuono wang’eyo ni Ruoth Nyasaye ni kodwa, nikech ok usetimo gima Ruoth Nyasaye okwero. Kuom mano usereso jo-Israel mondo kik Ruoth Nyasaye kumgi.”

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.