Wuok 25:18 - MUMA MALER 2015

¹⁸ Kaw dhahabu, ithedhgo kido ariyo machalo gi malaika miluongo ni kerubi, mondo gibed gimoro achiel gi raum, mondo obed kar ng’wono.

Motingʼo Loko Manyien

¹⁸ Kendo e giko mar raumno los kido mar malaika ariyo miluongo ni kerubi gi dhahabu mothedhi.

Wuok 25:18 ပူးပေါင်းရင်းမြစ်များ

Chakruok 3:24

Kamano noriembo dhano, mi noketo gik moko machalo gi malaika miluongo ni kerubi kaachiel gi ligangla mamil kendo rundore koni gi koni, yo wuokchieng’ mar puoth Eden, mondo ogeng’ ni ji madwaro dhi but yath mar ngima.

1 Weche mag Ndalo 28:18

gi kendo miwang’oe ubani, kod gach lweny mar dhahabu maler, ma tiende ni kerubi moyaro bwombegi mondo oumgo Sandug Muma mar Ruoth Nyasaye.

2 Weche mag Ndalo 3:10

Kama Ler Moloyo nolosoe kerubi ariyo kod bao, mobao gi dhahabu.

Wuok 25:17

“Losne raum mar dhahabu ma borne oromo mita achiel, to lachne nus mita, obed kar-ng’wono.

Wuok 25:19

Kerubi achiel nobed e dho raum konchiel, kendo achiel e dhoge komachielo.

Wuok 25:36

Maupego gi bedego kod rachungino nobed gimoro achiel mothedh gi dhahabu maler.

Ezekiel 10:2

Nyasaye nowacho ni ng’at mane orwako lewni mabeyo cha niya, “Dhiyo e kind tiende mawirore manie bwo kerubi, mondo ijow mach gi lweti. Bang’e ike majno e dala Jerusalem duto.” Eka ng’atno nodhi, ka aneno.

Ezekiel 10:20

Ne ang’eyo ni gin e gik mangima mane aneno e bath aora Kebar, koting’o Nyasach Israel kobet e komduong’ne.

Ezekiel 10:3

Kane odonjo kuno, ne oyudo ka kerubi ochung’ yo milambo mar Hekalu, ka bor polo opong’o laru ma iye mar Hekalu.

Jo-Hibrania 9:5

To ewi Sandugno ne nitie kido mag malaika miluongo ni kerubi, manyiso duong’ maler mar Nyasaye. Buombegi noumo kama igoloe richo. To ok wanyal wuoyo matut kuom gigo sani.

1 Samuel 4:4

Omiyo ne gioro wach Shilo, mi gikelo Sandug Muma mar Ruoth Nyasaye Manyalo Gik Moko Duto, ma en Nyasaye mobet ewi kerubi. Hofni gi Finehas, ma yawuot Eli, ema nobiro gi Sandug Muma.