Wuok 25:16 - MUMA MALER 2015

¹⁶ To ketie kite ariyo mag rapar ma abiro miyi.

Motingʼo Loko Manyien

¹⁶ Eka iket ei Sandug Muma kite mopa mag chike ma abiro miyi.

Wuok 25:16 ပူးပေါင်းရင်းမြစ်များ

1 Ruodhi 8:9

Ne onge gimoro ei Sanduk mak mana kite ariyo mopa, mane Musa oketoe kane en Horeb, kuma Ruoth Nyasaye notimoe winjruok gi jo-Israel ka gia e piny Misri.

2 Ruodhi 11:12

Eka Jehoyada nogolo wuod ruoth oko. Nosidhone osimb duong’, momiye kitap chik, kendo nowire gi mo mondo obed ruoth. Ji duto nopamo lwetgi, ka kok niya, “Ruoth mondo odag aming’a!”

2 Weche mag Ndalo 23:11

Eka Jehoyada nogolo ruoth oko, mosidhone osimb duong’, kendo omiye kitap chik, mi gikete ruoth. Jehoyada gi yawuote nowire gi mo ka gikok niya, “Ruoth mondo odag aming’a!”

Wuok 16:34

Omiyo Harun nokawe, mokete e nyim Sandug Muma, mondo okane kaka Ruoth Nyasaye nochiko Musa.

Wuok 25:21

Ket raumno e dho sanduk, to iye ketie kite ariyo mag rapar ma abiro miyi.

Wuok 26:33

Kiseliere e rang’awgo, eka iket Sandug Rapar e toke gi yo ka iye. Kamano pasiano nopog kind Ka Maler kod Kama Ler Moloyo.

Wuok 27:21

Tayano nyaka bed ei Hemb Romo ma Nyasaye romoe gi joge, gi yoka oko mar pasia mogeng’o Sandug Rapar. Harun gi yawuote nyaka rite pile mondo oliel e nyim Ruoth Nyasaye, chakre odhiambo nyaka piny ru. Chikni omako jo-Israel kod nyikwagi nyaka chieng’.

Wuok 30:36

Kaw moko, iswag mayom mondo iket e nyim Sandug Rapar ei Hemb Romo kama naromie kodu. Enobednu gima ler ahinya.

Wuok 30:6

Ket kendono e nyim pasia mogeng’o Sandug Rapar, kama nobed karomoe kodu.

Wuok 31:18

Kane Ruoth Nyasaye osetieko wuoyo gi Musa e got Sinai, nomiye kite mopamore ariyo mag rapar. Gin e kite ariyo mane Nyasaye ondikoe gi lith lwete.

Wuok 32:15

Musa nowichore molor oa e got, koting’o kite ariyo mag rapar e lwete. Kitego nondiki koni gi koni.

Wuok 34:29

Kane Musa lor a e got Sinai, koting’o kite ariyo mag rapar, wang’e ne rieny nikech nosewuoyo gi Ruoth Nyasaye, to kata kamano ne ok ong’eyo ni wang’e rieny kamano.

Wuok 38:21

Magi e kar romb gik mane Musa oketo e lwet jo-Lawi mane tiyo e bwo Ithamar wuod Harun jadolo, mondo olosgo Hema Maler, ma nyinge moro en Hemb Rapar.

Wuok 40:20

Nokawo kite mag rapar moketo e sanduk. Norwako ludhe e ratege mag sanduk, eka noyieyo raum e wiye.

Kwan 17:4

Eka iketgi duto e Hema e nyim Sandug Rapar, kama aromoe kodu,

Tich Joote 7:44

“Kane kwerewa nie thim, ne gin kod Hemb Rapar. Nolose mana kaka Nyasaye nosenyiso Musa, kowachone ni nyaka olose mana machal gi kido mane oseneno.

Jo-Rumi 3:2

To adwoko kama: Nitie ber mang’eny kuom bedo ja-Yahudi. Mokwongo Nyasaye nogeno jo-Yahudi mi omiyogi Wachne.

Rapar mar Chik 31:26

“Kawuru kitap chikni, uket e bath Sandug Muma mar Ruoth Nyasaye ma Nyasachu, mondo obednu kanyo ka rapar,

Jo-Hibrania 9:4

Ei hemano ne nitie kendo-mar-misango molos gi dhahabu miwang’oe ubani, kod Sandug Muma, gi ludh Harun mane oloth, kod kite mopa mondikie Singruok.

Joshua 4:16

“Chik jodolo moting’o Sandug Rapar, mondo owuog e aora Jordan.”