Wuok 24:7 - MUMA MALER 2015

⁷ Bang’e nokawo kitabu mondikie weche mag singruokgo, mosomo matek mondo ji duto owinji. Giduto ne giwacho niya, “Wayie winjo Ruoth Nyasaye, kendo wanatim duto mosechiko.”

Motingʼo Loko Manyien

⁷ Eka nokawo Kitabu mar Singruok mi osomo ni oganda. Negidwoko niya, “Wabiro timo gik moko duto ma Jehova Nyasaye osewacho; kendo wabiro rito chikego.”

Wuok 24:7 ပူးပေါင်းရင်းမြစ်များ

1 Ruodhi 8:9

Ne onge gimoro ei Sanduk mak mana kite ariyo mopa, mane Musa oketoe kane en Horeb, kuma Ruoth Nyasaye notimoe winjruok gi jo-Israel ka gia e piny Misri.

2 Weche mag Ndalo 15:14

Ne gitimo singruok ni Ruoth Nyasaye gi dwol madwong’, ka gikok kendo ka gigoyo tung’ gi oporo.

Zaburi 50:5

Owacho niya, “Chokuru joma oyie kuoma, mane otimona misango ka timogo koda singruok.”

Zaburi 78:36

To kata kamano ne giwuonde ka giwachone mana weche mag miriambo.

Wuok 19:8

Ji duto nodwoke rat niya, “Wayie timo gik moko duto ma Ruoth Nyasaye osewacho.” Mi Musa nodwoko ni Ruoth Nyasaye wach mane ji owacho.

Jeremia 34:13

ma Nyasach Israel nowachoe ni Jeremia niya, “Ne atimo singruok gi kwereni kane aresogi mi agologi Misri e tich wasumbni. Ne awachonigi niya,

Jeremia 42:6

bed ni en wach maber kata marach. Wabiro winjo gima Ruoth Nyasaye ma waori ire owacho, nimar mano ema dimi wadhi nyime maber.”

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Malaki 2:10

Uwacho niya, “Donge waduto wuonwa en achiel? Donge Nyasaye achiel ema ne ochueyowa? Ka kamano, to ere gima omiyo waketho singruok mane Nyasaye otimo gi kwerewa, ka ng’ato ka ng’ato ketho singruok motimo gi wadgi?

Tich Joote 13:15

Kane osesom weche moko moa e Chik Musa, kod mag Jonabi, jodong od lemo nokowonigi wach ni, “Owetewa, ka un gi wach moro madujiwgo ji, to wachuru.”

Jo-Kolosai 4:16

To kusesomo baruani, to nyaka une ni usome bende ni kanyakla mar jo-Kristo man Laodikia. To un bende nyaka usom barupa mane andiko ni jo-Laodikia, ma gibiro oronu.

1 Jo-Thesalonika 5:27

Achikou matek e nying Ruoth mondo usom baruani ni owete duto.

Joshua 24:24

Ne gidwoke niya, “Wanati ni Ruoth Nyasaye ma Nyasachwa, kendo wanarit chikene.”