Wuok 24:6 - MUMA MALER 2015

⁶ Musa nokawo remo moko, moolo e tewni, to remo modong’ nokiro e kendo mar-misango.

Motingʼo Loko Manyien

⁶ Musa nokawo nus remo kendo oketo e tewni, kendo nus modongʼ nokiro kuom kendo mar misango.

Wuok 24:6 ပူးပေါင်းရင်းမြစ်များ

2 Ruodhi 17:15

Ne gichayo chikene gi singruokne mane otimo kod kweregi, kendo ne ok gidewo weche mane osiemogigo. Ne gilamo nyiseche manono, nyaka gin giwegi gidoko joma nono, nikech ne giluwo timbe mag ogendini mokiewo kodgi, mane Ruoth Nyasaye osekwerogi ni kik giluw.

Zaburi 99:6

Musa gi Harun ne jodolo mage. Samuel bende ne achiel kuom joma lame. Giduto ne giywak ni Ruoth Nyasaye, mi owinjogi.

Wuok 12:22

Eka ukaw oboke mag owino ulutie remo manie tawo, kendo uwirgi wi dhoudi kod sisi mag dhoudi. Kik ng’ato kuomu wuog oko nyaka okinyi.

Wuok 12:7

Bang’e gikaw remo, giwirgo sisi mag dhoudi kod wi dhoudi mag udi duto ma nochamie jamnigo.

Wuok 24:8

Bang’ mano Musa nokawo remo, mokiro kuom ji, kowacho niya, “Ma e remo mar singruok mane Ruoth Nyasaye osemiyo utimo kode, kaluwore gi weche manie kitabuni.”

Wuok 29:16

Eka iyange, kendo ikaw rembe, ipuk e kor kendo-mar-misango.

Wuok 29:20

Eka iyange, kendo ikaw rembe moko mondo imien e it Harun makorachwich kod it yawuote ma korachwich kod lith luetegi mathwon makorachwich kod lith tiendegi mathwon bende. To remo modong’, ipuk e kor kendo mar-mar-misango koni gi koni.

Jeremia 31:32

Ok nochal gi singruok mane atimo gi kweregi kane atayogi kagologi e piny Misri, nimar ne giketho singruok mane atimo kodgi kata obedo ni ne an ruodhgi.

Tim jo-Lawi 1:11

Nyaka onege e nyim Ruoth Nyasaye e bath kendo-mar-misango koma ochomo yo nyandwat, kendo jodolo ma joka Harun nyaka kir remo e bethe duto mag kendo-mar-misango.

Tim jo-Lawi 1:5

Eka noneg rwadhno e nyim Ruoth Nyasaye, kendo jodolo ma joka Harun nokaw remo, kendo nokir e bethe duto mag kendo-mar-misango manie dho Hemb Romo.

Tim jo-Lawi 3:2

Ng’atno nyaka ket lwete ewi dheno, kendo oyang’e e dho Hemb Romo. Jodolo ma joka Harun nokaw remo, kendo nokir e bethe duto mag kendo-mar-misango.

Tim jo-Lawi 3:8

mi oket lwete e wiye, kendo oyang’e e nyim Hemb Romo. Eka joka Harun nokaw remo, kendo nokir e bethe duto mag kendo-mar-misango.

Tim jo-Lawi 4:6

Enolut lith lwete e remono, kendo nokir nyadibiriyo e nyim pasia maler e nyim Ruoth Nyasaye.

1 Jo-Korintho 11:25

Kamano bende, bang’ chiemo, nokawo kikombe kowacho niya, “Kikombeni e remba, motimgo Winjruok Manyien gi Nyasaye. E kinde ka kinde mumadhee, to timuru kamano mondo uparago.”

Jo-Kolosai 1:20

Ne oyiero mondo omi gik moko duto obed gi winjruok kode kuom Kristo, kokelo kue kuom remb Wuode mane ochuer e msalaba. Adier, Nyasaye nomiyo gik moko duto manie polo kod manie piny obedo gi winjruok kode kuom Kristo, koda ka un bende.

Jo-Hibrania 12:24

Usebiro ir Yesu, jagach mosekelo winjruok manyien, ma rembe mokir nyiso wach maber moloyo wach mane remb Habil onyiso.

Jo-Hibrania 8:9

Ok nochal gi singruok mane atimo gi kweregi, kane atayogi, kagologi e piny Misri, nimar ne ok girito singruok mane atimo kodgino, mi an bende ne ajwang’ogi’

Jo-Hibrania 9:18

Mano emomiyo kata mana winjruok mokwongono ne ok ochako tich ka onge remo.

Jo-Hibrania 9:19

Mano en adier, nikech kane Musa osehulo ni ji chike duto, nokawo remb nyiroye gi diek, kaachiel gi pi, mi okiro e kitap Chik, kendo okiro kuom ji duto, nokiro remono gi yie rombo malando kod owino,

Jo-Hibrania 9:21

Kamano bende e kaka Musa nokiro remo e Hema mar Romo gi Nyasaye, gi gik moko duto mane itiyogo e tich lemo.

1 Petro 1:19

to nowaru gi remo ma nengone tek mar Kristo, mane ochiw ka nyarombo motimgo misango ma onge songa kata mbala.

1 Petro 1:2

Nyasaye Wuoro noyierou chon kaka dwarone obet, mondo opwodhu gi Roho, umak chik Yesu Kristo, kendo mondo rembe okir kuomu. Ng’wono gi kue mogundho obed kodu.