Wuok 24:4 - MUMA MALER 2015

⁴ Musa nondiko chike duto mag Ruoth Nyasaye. To kinyne gokinyi nogero kendo-mar-misango e tiend got, kendo nochungo kite apar gariyo mag rapar, maromre gi kar romb dhout Israel apar gariyo.

Motingʼo Loko Manyien

⁴ Eka Musa nondiko gik moko duto mane Jehova Nyasaye osewachone. Kinyne gokinyi ne ochiewo mi ogero kendo mar misango e tiend got kendo ochungo kite apar gariyo mochungʼ kar ogendini apar gariyo mag Israel.

Wuok 24:4 ပူးပေါင်းရင်းမြစ်များ

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Chakruok 28:18

Jakobo nochiew gokinyi mang’ich. Nokawo kidi ma notenogo wiyeno, mi ochunge ka siro moolo kuome mo, kochiwe ni Nyasaye.

Chakruok 28:22

kendo kidi ma asechungo ka sironi nobed odi. Bende anamiyi achiel kuom apar mag gik moko duto mimiya.”

Chakruok 31:45

Omiyo Jakobo noyiero kidi mang’ongo, mochungo tir ka siro mar rapar,

1 Ruodhi 11:30

Ahija nomako lawe manyienno, moyiecho kidienje apar gariyo.

1 Ruodhi 18:31

Nokawo kite apar gariyo maromre gi kwan mar dhout yawuot Jakobo, jal mane wach Ruoth Nyasaye obirone niya, “Nyingi noluong ni Israel.”

Ezra 6:17

Kane girwakogo, ne gitimo misango gi ruedhi mia achiel gi imbe mia ariyo ko nyirombe mia ang’wen, to bende ne gichiwo nyuogi apar gariyo, maromre gi kar romb dhout Israel, mi gitimogo misango mar golo richo ni oganda Israel duto.

Nehemia 10:1

Joma noketo lwetgi ne gin Nehemia ma ruoth, ma wuod Hakalia, kod Zekaria,

Wuok 17:14

Bang’e Ruoth Nyasaye nowacho ni Musa niya, “Ndik gima osetimoreno e kitabu mondo e ndalo mabiro ji opar wachno. Bende inyis Joshua ni abiro miyo wi ji duto wil chuth gi jo-Amalek.”

Wuok 17:15

Musa nogero kendo-mar-misango, mi nochake ni Jehova-Nisi, (tiende ni, Ruoth Nyasaye e bandecha.)

Wuok 21:1

“Chike ma nyaka imi jo-Israel e magi:

Wuok 24:7

Bang’e nokawo kitabu mondikie weche mag singruokgo, mosomo matek mondo ji duto owinji. Giduto ne giwacho niya, “Wayie winjo Ruoth Nyasaye, kendo wanatim duto mosechiko.”

Wuok 28:21

Kitego nyaka ndikie nying mag dhoudi apar gariyo, kaka igoro tere migoyogo sei. Kidi ka kidi mondo ondikie nying’ mag dhoudi apar gariyogo.

Wuok 34:27

Ruoth Nyasaye nowacho ni Musa niya, “Ndik wechego, nikech gin ema atimogo singruok kodi kaachiel gi jo-Israel.”

Isaya 19:19

E kindego, nobedie kendo-mar-misango mar Ruoth Nyasaye e dier Misri, kod siro maler mochung’ ni Ruoth Nyasaye e tong’ piny Misri.

Tim jo-Lawi 24:5

“Nyaka ukaw mogo, mi utedgo makati apar gariyo, ma moro ka moro oted gi mogo moromo kilo abiriyo.

Kwan 17:2

“Nyis jo-Israel mondo jotend dhoot ka dhoot omiyi luth achiel achiel, duto ludhe apar gariyo, ma moro ka moro ondikie nying jatelo ka jatelo.

Luka 22:30

Unuchiem kendo unumethi koda e pinya, kendo unubed e kombe ruodhi, kung’ado bura ni dhoudi apar gariyo mag Israel.”

Jo-Galatia 2:9

Kuom mano, Jakobo gi Petro kod Johana, ma ji oyiego ni jotelo mag kanyakla mar jo-Kristo, nong’eyo mich mane Nyasaye osemiya kuom ng’wonone, mi gimako lwet Barnaba kod lweta kaka ranyisi ni wariwore kodgi e tich. Ne wawinjore waduto ni wan wadhi ir joma ok jo-Yahudi to gin gidhi ir jo-Yahudi.

Rapar mar Chik 31:9

Musa nondiko chikno momiyo jodolo ma jo-Lawi mane ting’o Sandug Muma mar Ruoth Nyasaye, kod jodong Israel duto.

Joshua 4:20

Kanyo Joshua nochungoe kite apar gariyo mane gigolo e aora Jordan.

Joshua 4:5

mowachonigi niya, “Kadhuru utel e nyim Sandug Muma mar Ruoth Nyasaye ma Nyasachu nyaka e dier Jordan, kendo ng’ato ka ng’ato mondo okwany kidi achiel oyie e goke, mondo kidi ka kidi ochung’ ni dhoot ka dhoot.

Fweny 21:14

To ohinga mar dalano ne nigi kite mag mise apar gariyo ma ondikie nying joote apar gariyo mag Nyasaye.