Wuok 24:3 - MUMA MALER 2015

³ Musa nodhi monyiso ji chike kod buche duto mag Ruoth Nyasaye. Ji duto nodwoke niya, “Wayie timo gik moko duto ma Ruoth Nyasaye osewacho.”

Motingʼo Loko Manyien

³ Kane Musa odhi kendo onyiso oganda weche duto kod chike Jehova Nyasaye, negidwoko gi dwol achiel niya, “Gik moko duto ma Jehova Nyasaye osewacho wabiro timo.”

Wuok 24:3 ပူးပေါင်းရင်းမြစ်များ

2 Weche mag Ndalo 15:14

Ne gitimo singruok ni Ruoth Nyasaye gi dwol madwong’, ka gikok kendo ka gigoyo tung’ gi oporo.

2 Weche mag Ndalo 15:15

Jo-Juda duto ne mor nikech singruokno, nimar ne gisingore gi chunygi duto. Ne gidwaro Ruoth Nyasaye gi siso maduong’, mi ne giyude, kendo nomiyogi kue kuonde duto.

Zaburi 50:5

Owacho niya, “Chokuru joma oyie kuoma, mane otimona misango ka timogo koda singruok.”

Wuok 19:8

Ji duto nodwoke rat niya, “Wayie timo gik moko duto ma Ruoth Nyasaye osewacho.” Mi Musa nodwoko ni Ruoth Nyasaye wach mane ji owacho.

Wuok 24:2

In kendi, Musa, ema nichop machiegni koda. Jomokogo ok nosud ira, to bende onge ng’ato ang’ata ma noidh kodi ku.”

Wuok 24:7

Bang’e nokawo kitabu mondikie weche mag singruokgo, mosomo matek mondo ji duto owinji. Giduto ne giwacho niya, “Wayie winjo Ruoth Nyasaye, kendo wanatim duto mosechiko.”

Jeremia 11:4

En singruok mane atimo gi kweregi kane agologi e piny Misri, e sand mager ka mach makakni. Ne awachonigi ni ka girito chikena, kendo gitimo gik moko duto ma anyisogi, to ginibed joga, kendo anabed Nyasachgi.

Jeremia 34:13

ma Nyasach Israel nowachoe ni Jeremia niya, “Ne atimo singruok gi kwereni kane aresogi mi agologi Misri e tich wasumbni. Ne awachonigi niya,

Hagai 2:5

kendo Roho mara ni kuomu. Kik ubed maluor,

Malaki 2:10

Uwacho niya, “Donge waduto wuonwa en achiel? Donge Nyasaye achiel ema ne ochueyowa? Ka kamano, to ere gima omiyo waketho singruok mane Nyasaye otimo gi kwerewa, ka ng’ato ka ng’ato ketho singruok motimo gi wadgi?

Rapar mar Chik 11:1

“Heruru Ruoth Nyasaye ma Nyasachu, kendo nyaka urit chikene gi buchene ndalo duto.

Rapar mar Chik 4:1

Musa nomedo wacho niya, “To koro, un jo-Israel, winjuru chike gi buche ma apuonjou, kendo umak, eka unubed mangima kendo unudonj e piny ma Ruoth Nyasaye ma Nyasach kwereu nomiu, mudagie.

Rapar mar Chik 4:45

Gin e chike gi buche mane Musa onyiso jo-Israel kane gisea Misri,

Rapar mar Chik 4:5

Asepuonjou chike gi buche kaka Ruoth Nyasaye ma Nyasacha nochika. Mago duto nyaka urit e piny mudhi donjoe, kendo kawo.

Rapar mar Chik 5:1

Musa noluongo jo-Israel duto mowachonigi niya, “Un jo-Israel winjuru chike kod buche ma awacho kuwinjo kawuononi. Puonjreuru, kendo uritgi maber.

Rapar mar Chik 5:31

to in dong’ koda ka mondo ahulni chike gi buche ma nyaka ipuonjgi girit e piny ma amiyogi mondo gidagie.’

Rapar mar Chik 6:1

“Koro magi e chike kod buche mane Ruoth Nyasaye ma Nyasachu ochika mondo apuonju uriti e piny mubiro donjoe kendo kawo mondo obed maru.

Joshua 24:21

To ji duto nodwoko Joshua niya, “Ooyo, wabiro tiyo ni Ruoth Nyasaye.”

Joshua 24:22

Eka Joshua nowachonigi niya, “Un uwegi un joneno.”

Joshua 24:24

Ne gidwoke niya, “Wanati ni Ruoth Nyasaye ma Nyasachwa, kendo wanarit chikene.”