Wuok 24:18 - MUMA MALER 2015

¹⁸ Musa nodonjo e bor polono, modhi ewi got, kendo nobet kuno kuom ndalo piero ang’wen odiechieng gotieno.

Motingʼo Loko Manyien

¹⁸ Eka Musa nodonjo ei bor polono kane odhi ewi got, kendo nobedo ewi got kuom ndalo piero angʼwen odiechiengʼ gotieno.

Wuok 24:18 ပူးပေါင်းရင်းမြစ်များ

1 Ruodhi 19:11

Ruoth Nyasaye nowachone niya, “Wuogi, idhi ichung’ nyima ewi got nikech abiro kadho kanyo.” Mokwongo yamo nokudho, momuko gode, kendo obaro lwendni e nyim Ruoth Nyasaye; to Ruoth Nyasaye ok ne nie yamo

1 Ruodhi 19:8

Eka noa malo mochiemo kendo omodho. Chiemono nomede teko, mowuotho ndalo piero ang’wen, odiechieng’ gotieno, mochopo Horeb, god Nyasaye.

Wuok 19:20

Ruoth Nyasaye nolor, mochung’ ewi got Sinai, kendo noluongo Musa kanyo, mi Musa noidho modhi ire.

Wuok 24:17

Duong’ maler mar Ruoth Nyasaye ne chalo ni jo-Israel mana ka mach maduong’ maliel ewi got.

Wuok 25:1

Ruoth Nyasaye nowacho ni Musa niya,

Wuok 32:1

Kane ji oneno ni Musa osedeko e got, kapok olor piny, ne gichokore kuom Harun, mi giwachone niya, “Bi ilosnwa nyasaye mondo otelnwa, nikech wakia gima osetimo ng’at ma Musano, mane ogolowa e piny Misri.”

Wuok 34:28

Omiyo Musa nobet gi Ruoth Nyasaye kanyo kuom ndalo piero ang’wen, odiechieng’ gotieno, ma ok ochiemo kata metho, kendo nondiko weche mag singruokno e kitego. Ne gin Chike Apar.

Wuok 9:29

Musa nowachone niya, “Ka asea e dalani, to abiro rieyo bada kalamo Ruoth Nyasaye. Polo biro weyo mor, kendo pe bende biro chok mondo omi ing’e ni Ruoth Nyasaye e wuon piny ngima.

Wuok 9:33

Musa noa ir Farao, mowuok e dala. Eka noting’o bedene malo kolamo Ruoth Nyasaye, mi mor polo gi pe norumo, kendo koth bende nochok.

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Mathayo 4:2

Notueyo chiemo kuom ndalo piero ang’wen, odiechieng’ kotieno mi nodenyo.

Mariko 1:13

kuma le kod ondiegi nitie, nobet kuno kuom ndalo piero ang’wen, ka Satan teme. To malaika ema ne tiyone kuno.

Luka 4:2

kuom ndalo piero ang’wen ka Satan teme. E ndalogo duto ne ok ocham gimoro, omiyo kane ndalogo orumo to nowinjo ka kech kaye.

Rapar mar Chik 10:10

“Nabet ewi got kuom ndalo piero ang’wen odiechieng’ gotieno, mana kaka nasetimo mokwongo, mi Ruoth Nyasaye nochako owinjo kwayona moyie ni ok obi tiekou.

Rapar mar Chik 5:31

to in dong’ koda ka mondo ahulni chike gi buche ma nyaka ipuonjgi girit e piny ma amiyogi mondo gidagie.’

Rapar mar Chik 9:18

Eka nariera piny e nyim Ruoth Nyasaye kuom ndalo piero ang’wen odiechieng gotieno, kaka nasetimo e kinde mokwongo, mi ariyo kech ka ok achiem kata ok amadh gimoro, nikech richo duto mane usetimo kuketho e nyim Ruoth Nyasaye, kendo kumiye mirima.

Rapar mar Chik 9:25

“Nariera piny e nyim Ruoth Nyasaye kuom ndalo piero ang’wen, odiechieng’ gotieno nimar nosewacho ni odwaro tiekou.

Rapar mar Chik 9:9

Noyudo ka asedhi ewi got mondo akaw kite mopamore mag singruok ma Ruoth Nyasaye otimo kodu, mi ne abet ewi got kuno kuom ndalo piero ang’wen, odiechieng’ gotieno, ka ok achiem kata ok amadh gimoro.