Wuok 24:17 - MUMA MALER 2015

¹⁷ Duong’ maler mar Ruoth Nyasaye ne chalo ni jo-Israel mana ka mach maduong’ maliel ewi got.

Motingʼo Loko Manyien

¹⁷ Duongʼ mar Jehova Nyasaye ne chalo gi mach maliel ewi got ne jo-Israel.

Wuok 24:17 ပူးပေါင်းရင်းမြစ်များ

2 Samuel 22:13

Ler motelo e nyime nomoko mach motimo ligega.

2 Samuel 22:9

Iro nodum ka wuok e ume, kendo mach mang’angni bende nowuok e dhoge.

Wuok 19:11

To orucha nyaka gibed moikore, nikech odiechieng’no ema an Ruoth Nyasaye, nalor ewi got Sinai, kama ji duto nonenae.

Wuok 19:18

Wi got duto notimo iro, nikech Ruoth Nyasaye noselorie, ka en ei mach. Iro ne dhuolore, kendo ji duto ne kirni malich.

Wuok 3:2

Malaika mar Nyasaye nofwenyorene kanyo e ligek mach maliel e chuny bungu moro. Musa norange, moneno ni bungu liel aliela to ok wang’,

Ezekiel 1:27

Gima nobet e komno ne rieny ka mula molut e mach, chakre tiende nyaka wiye, kendo ler mang’angni nolwore koni gi koni.

Ezekiel 1:28

To lerno ne nigi kido duto machalo gi kit lihudu manie kor polo ka koth chue. Mano e kaka duong’ maler mar Ruoth Nyasaye ne chalo!

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Rapar mar Chik 4:24

nimar Ruoth Nyasaye ma Nyasachu en mach matieko gik mowang’o, kendo en Nyasaye ma janyiego.

Rapar mar Chik 4:36

Ne oyienu winjo dwonde gie polo mondo opuonjugo, bende noyienu neno maye malich e piny, kendo nuwinjo wechene kawuok ei majno.

Rapar mar Chik 9:3

To ubiro ng’eyo kawuono ni Ruoth Nyasaye ma Nyasachu ema otelonu kachalo mach matieko gik mowang’o. Obiro tiekogi en owuon, kendo obiro loyonugi. Kuom mano, ubiro riembogi kendo tiekogi piyopiyo, mana kaka Ruoth Nyasaye nosingorenu.

Jo-Hibrania 12:18

Un ok uchal gi jo-Israel machon. Ok uchung’ e nyim gima unyalo mulo, kaka ne gichung’ e nyim got Sinai, kama mach kaknie, gi mudho mandiwa kod ong’weng’o, gi kalausi mager,

Jo-Hibrania 12:29

nikech Nyasachwa en mach ma tieko gik mowang’o duto.