Wuok 24:16 - MUMA MALER 2015

¹⁶ Duong’ maler mar Ruoth Nyasaye nolor ewi got Sinai, mi bor polo noimo got kuom ndalo auchiel. To chieng’ mar abiriyo Ruoth Nyasaye noluongo Musa gi e bor polo.

Motingʼo Loko Manyien

¹⁶ kendo duongʼ mar Jehova Nyasaye nopongʼo wi Got Sinai. Kuom ndalo auchiel boche polo noimo godno kendo e odiechiengʼ mar abiriyo Jehova Nyasaye noluongo Musa ka en ei bor polo.

Wuok 24:16 ပူးပေါင်းရင်းမြစ်များ

Zaburi 99:7

Ne owuoyo kodgi gi e siro mar bor polo. Bang’e ne girito chike kod buche mane omiyogi.

Wuok 16:10

Kane Harun pod wuoyo gi jo-Israel, ne ging’iyo yo ka thim, kendo ne gipo ka duong’ maler mar Ruoth Nyasaye othinyore e bor polo.

Wuok 19:11

To orucha nyaka gibed moikore, nikech odiechieng’no ema an Ruoth Nyasaye, nalor ewi got Sinai, kama ji duto nonenae.

Wuok 19:9

Eka Ruoth Nyasaye nowacho ni Musa niya, “Abiro biro iri ka an ei bor polo mapek, mondo awuo kodi ka ji winjo, mondo gen ma gigenigo kik rum.” Musa nonyiso Ruoth Nyasaye gima ji nodwoko.

Wuok 20:10

to chieng’ mar abiriyo en chieng’ yweyo mowal ni Ruoth Nyasaye ma Nyasachu. Chieng’no, un kaachiel gi yawuotu kod nyiu, kata wasumbu machwo gi mamon, kata jambu, kata mana jodak manie miechu, kik ti tich moro,

Wuok 24:17

Duong’ maler mar Ruoth Nyasaye ne chalo ni jo-Israel mana ka mach maduong’ maliel ewi got.

Isaya 4:5

Bang’e Ruoth Nyasaye nohon rumbi mar iro godiechieng’, kod ligek mach mang’ang’ni gotieno e wi udi man e got Sayun, kod kuonde chokruok, nikech duong’ nolandore kuonde duto

Ezekiel 1:28

To lerno ne nigi kido duto machalo gi kit lihudu manie kor polo ka koth chue. Mano e kaka duong’ maler mar Ruoth Nyasaye ne chalo!

Tim jo-Lawi 9:23

Musa gi Harun nodonjo e Hemb Romo, to kane giwuok oko ne giguedho ji, mi duong’ maler mar Ruoth Nyasaye nofwenyore ni ji duto.

Tim jo-Lawi 9:6

Eka Musa nowacho niya, “Ma e gima Ruoth Nyasaye osechikou mondo utim mondo duong’ne maler ofwenyrenu.”

Kwan 14:10

To kar dwokogi, oganda jo-Israel nobwogogi mana ni goyogi mana gi kite, to sano duong’ mar Ruoth Nyasaye nothinyorenigi duto e Hemb Romo.

Kwan 16:42

E sa mane gichokoree ka ging’ur ni Musa gi Harun, ne giwichore ka gichiko Hemb Romo mi gineno ka bor polo oime, kendo duong’ maler mar Ruoth Nyasaye nothinyore kanyo.

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.

Fweny 1:10

To chieng’ Ruoth, Roho ne omaka, mi awinjo dwol maduong’ maywak ka tung’ ka wuoyo gi yoka ng’eya.