Wuok 24:1 - MUMA MALER 2015

¹ Noyudo ka Ruoth Nyasaye osewacho ni Musa niya, “Bi ira e got, kaachiel gi Harun gi Nadab gi Abihu kod jodong Israel piero abiriyo. To kapok uchopo machiegni, kulreuru mondo ulem.

Motingʼo Loko Manyien

¹ Eka Jehova Nyasaye nowacho ne Musa niya, “Bi ira, in kaachiel gi Harun, Nadab, Abihu kod jodongo piero abiriyo mag Israel. Un to unudongʼ kulemo mochwalore matin,

Wuok 24:1 ပူးပေါင်းရင်းမြစ်များ

1 Weche mag Ndalo 6:3

To yawuot Amram ne Harun gi Nadab gi Abihu gi Eleazar kod Ithamar.

Wuok 1:5

Kar romb joka Jakobogo duto noromo piero abiriyo. (Josef to noyudo ka ni Misri.)

Wuok 19:20

Ruoth Nyasaye nolor, mochung’ ewi got Sinai, kendo noluongo Musa kanyo, mi Musa noidho modhi ire.

Wuok 19:24

Ruoth Nysaye nowachone niya, “Lor mondo idhi iom Harun. To jodolo kaachiel gi ji kik kadh tong’ ka giidho ira, nono to abiro mwomora kuomgi.”

Wuok 19:9

Eka Ruoth Nyasaye nowacho ni Musa niya, “Abiro biro iri ka an ei bor polo mapek, mondo awuo kodi ka ji winjo, mondo gen ma gigenigo kik rum.” Musa nonyiso Ruoth Nyasaye gima ji nodwoko.

Wuok 20:21

Ji nochung’ gi chien, to Musa kende ema nosudo machiegni gi bor polo mapek mane Nyasaye nie iye.

Wuok 24:15

Kamano Musa nodhi ewi got, kendo bor polo noimo got.

Wuok 24:2

In kendi, Musa, ema nichop machiegni koda. Jomokogo ok nosud ira, to bende onge ng’ato ang’ata ma noidh kodi ku.”

Wuok 24:9

Musa gi Harun gi Nadab kod Abihu, kaachiel gi jodong Israel piero abiriyo nodhi e got, moneno Nyasach Israel.

Wuok 28:1

“In iwuon nyaka iluong Harun owadu gi yawuote, ma Nadab gi Abihu gi Eleazar kod Ithamar, kuom jo-Israel mondo iket obed jodolona.

Wuok 3:5

Nyasaye nowachone niya, “Kik imed sudo machiegni, to lony wuocheni, nikech kama ichung’ieno en kama ler.”

Wuok 34:2

Kiny iikri gokinyi mondo ibi e got Sinai. Ichung’ kuno, kendo irita.

Wuok 6:23

Harun nokendo Elisheba nyar Aminadab ma nyamin Nashon, monywologo Nadab gi Abihu gi Eliezar kod Ithamar.

Ezekiel 8:11

Jodong Israel piero abiriyo ne ni kanyo, ka Jaazania wuod Shafan nie diergi. Moro ka moro noting’o gima iwang’oe ubani, ka ubani dum iro.

Kwan 11:16

Ruoth Nyasaye nodwoko Musa niya, “Chok jodong Israel piero abiriyo ma ing’eyo ni jotend oganda. Kelgi e nyima e Hemb Romo kendo gichung’ kodi kanyo.

Luka 10:1

Bang’ mano, Ruoth Yesu noyiero ji piero abiriyo gariyo mamoko, moorogi ariyo ariyo, mondo gitel nyime e mier duto kod kuonde duto mane en owuon odwaro dhiye.

Luka 10:17

Jopuonjre piero abiriyo gariyogo noduogo gi mor, kawacho niya, “Ruoth, kata mana jochiende bende winjowa ka wakwerogi e nyingi!”

Rapar mar Chik 1:15

Omiyo nakawo ji man gi rieko kendo molony, maketo mondo oritu. Moko kuomgi naketo jotend ji gana, to moko jotend ji mia mia, to moko jotend ji piero abich abich, kod ji apar apar, kendo moko bende naketo jotelo mopogore opogore e dhoutu duto.