Wuok 23:31 - MUMA MALER 2015

³¹ Anayar tong’ pinyu, kochakore e Nam Makwar nyak Nam Maduong’ manie tong’ jo-Filistia, kendo kochakore e thim man yo milambo, nyaka aora Yufrate. Anami ulo jopinyno, mi unuriembgi.

Motingʼo Loko Manyien

³¹ “Abiro keto tongʼ mar pinyu kochakore Nam Makwar nyaka e tongʼ Nam mar Mediterania, kendo chakre e thim nyaka e Aora mar Yufrate.

Wuok 23:31 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

1 Ruodhi 11:2

To Ruoth Nyasaye nosewuoyo ni jo-Israel kuom ogendnigo niya, “Kik ukend nyigi, to gin bende kik uyienigi mondo gikend nyiu, nikech adier ginilok chunyu mondo ulam nyisechegi.” To kata kamano Solomon nohero mon-go ahinya.

1 Ruodhi 20:13

Eka janabi moro nobiro ir Ahab ruodh Israel, mowachone niya, “Ruoth Nyasaye owacho kama: ‘Donge ineno oganda maduong’ni? Kawuono eka abiro chiwogi e lweti, mi ining’e ni an e Ruoth Nyasaye.’ ”

1 Ruodhi 4:21

Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

1 Ruodhi 4:24

Solomon noloyo ruodhi kod pinje duto koa yo milambo mar aora Yufrate, chakre Tifsa nyaka Gaza, mi nobedo gi kue e tong’ pinye duto.

1 Ruodhi 8:65

E ndalogo Solomon, kaachiel gi jo-Israel duto, notimo sawo maduong’ e nyim Ruoth Nyasaye kuom ndalo abiriyo. Oganda maduong’ nochokore kanyo moa e piny Israel duto, chakre kama idonjogo Hamath nyaka aora manie kind pinygi kod piny Misri.

2 Weche mag Ndalo 9:26

Ruodhi duto ne nie bwo loch Solomon chakre aora Yufrate nyaka piny Filistia gi tong’ piny Misri,

Zaburi 72:8

Pinye nochakre e bath nam man yo wuok chieng’, nyaka bath nam man yo podho chieng’, kendo nochakre aora Yufrate nyaka tung’ piny.

Kwan 21:34

To Ruoth Nyasaye nowacho ni Musa niya, “Kik iluore, nimar asechiwe e lweti, kaachiel gi joge duto kod pinye. Timne mana kaka nitimo ni Sihon ruodh jo-Amor, mane odak Heshbon.”

Kwan 34:2

mondo onyis jo-Israel niya, “Koro uchiegni donjo e piny Kanaan, momiu mondo obed mwandu nyaka chieng’. En piny Kanaanno duto, ma tong’ne chalo kama:

Rapar mar Chik 1:7

omiyo koro chakuru wuoth, mondo udhi e piny gode mag jo-Amor, kendo uked gi joma odak machiegni kodgi e holo mar aora Jordan, gi piny gode kod piny pewe gi piny man yo milambo, kod dhonam, ma tiende ni piny Kanaan kod piny Lebanon duto nyaka aora maduong’ mar Yufrate.

Rapar mar Chik 1:8

Aseikonu pinyno, omiyo dhiuru mondo ukawe. En e piny mane Ruoth Nyasaye osingore ni nomi kwereu ma Ibrahim gi Isaka gi Jakobo kod nyikwagi.’

Rapar mar Chik 11:24

Kamano kamoro amora ma tiendu onyono nobed maru, kendo mbap pinyu nochakre e thim yo milambo nyaka piny Lebanon yo nyandwat, kendo chakre aora Yufrate yo wuok chieng’ nyaka nam Mediterania yo podho chieng’.

Rapar mar Chik 2:33

To Ruoth Nyasaye ma Nyasachwa nochiwe e lwetwa, mi wanege kaachiel gi yawuote kod joge duto.

Rapar mar Chik 2:36

Onge dala mane nyalo sirowa, chakre Aroer e dho holo mar Arnon, kod dala man e holo hie, nyaka chop Gilead. Adier Ruoth Nyasaye ma Nyasachwa ema nochiwo gik moko duto e lwetwa.

Rapar mar Chik 20:16

To e miech ogendini ma Ruoth Nyasaye ma Nyasachu biro miyougo, kik uweyee kata gimoro achiel ka ngima.

Rapar mar Chik 3:2

To Ruoth Nyasaye nowachona niya, ‘Kik uluor Og, nimar asechiwe kaachiel gi joge kod pinye e lwetu. Timneuru mana kaka nutimo ni Sihon ruodh jo-Amor mane odak Heshbon.’

Rapar mar Chik 6:19

Obiro riembonu wasiku duto mondo owenu thuolo, kaka nosingore.

Rapar mar Chik 9:3

To ubiro ng’eyo kawuono ni Ruoth Nyasaye ma Nyasachu ema otelonu kachalo mach matieko gik mowang’o. Obiro tiekogi en owuon, kendo obiro loyonugi. Kuom mano, ubiro riembogi kendo tiekogi piyopiyo, mana kaka Ruoth Nyasaye nosingorenu.

Joshua 1:4

Kuonde duto nobed mau, chakre e thim ma yo milambo, nyaka Lebanon yo nyandwat, kendo koa Yufrate, aora maduong’ man yo wuok chieng’, koluwo piny jo-Hiti, nyaka Nam Mediterenia man yo podho chieng’.

Joshua 10:19

To kik udek kuno, to meduru mana lawo wasiku, kendo kik uwe gichop e miechgi mak unegogi, nimar Ruoth Nyasaye ma Nyasachu osechiwogi e lwetu.”

Joshua 10:8

Ruoth Nyasaye nowachone niya, “Kik iluorgi, nikech asechiwogi e lweti, kendo onge kata ng’at achiel ma nosiri.”

Joshua 13:6

Pinyno oting’o jo-Sidon modak e piny gode, chakre Lebanon nyaka Misrefoth-maim. Anariemb jogo duto mondo oweni jo-Israel thuolo. To pinyno duto ipog ni jo-Israel mondo obed margi, kaka asechiki.

Joshua 2:24

Ne ginyise weche duto ma notimorenigi, ka gimedo nyise niya, “Ruoth Nyasaye osemiyowa pinyno duto, kendo kibaji osemako ji duto, ka giwinjo birowa.”

Joshua 21:44

Ruoth Nyasaye nomiyogi kue e tong’gi duto kaka nosesingore ni kweregi. Onge wasikgi kata achiel mane nyalo sirogi, nikech Ruoth Nyaaye ema nomiyo giloyogi duto.

Joshua 23:14

“An koro achiegni tho. To ng’ato ka ng’ato kuomu ong’eyo e chunye ni Ruoth Nyasaye ma Nyasachu osemiyou gik mabeyo duto ma nosingorenu. Onge kata achiel kuom gik moko duto ma nosingore ma pok otimo.

Joshua 24:11

Eka bang’e nung’ado aora Jordan, muchopo Jeriko. Jo-Jeriko gi jo-Amor gi jo-Perizi gi jo-Kanaan gi jo-Hiti gi jo-Girgash gi jo-Hivi kod jo-Jebus nokedo kodu, to namiyo uloyogi duto.

Joshua 24:12

Giu mag lweny ok ema noriembogi.

Joshua 24:18

To bende Ruoth Nyasaye noriembo jo-Amor gi ogendini moko ma nodak e pinyni mondo owenwa thuolo. Kuom mano, wan bende wabiro tiyo ni Ruoth Nyasaye, nimar en Nyasachwa.”

Joshua 24:8

nyaka nakelou e piny jo-Amor ma nodak yo wuok chieng’ mar aora Jordan. Ne gikedo kodu to naloyogi, maketogi e lwetu, mi ukawo pinygi.

Joshua 8:18

Eka Ruoth Nyasaye nowacho ni Joshua niya, “Siem yo Ai gi tong’i, nimar abiro chiwe e lweti.” Mi Joshua notimo kamano.

Joshua 8:7

Kwaringo kamano, eka uwuogi kama upondoe, kendo ukaw dalagino, nikech Ruoth Nyasaye ma Nyasachu biro chiwe e lwetu,

Joshua 9:7

To jo-Israel nodwoko jo-Hivigo niya, “Ang’o ma dimi watim kodu winjruok mar kue? Kamoro udak mana machiegni kodwa.”

Jong’ad Bura 1:4

Jo-Juda nodhi momonjo jo Kanaan kod jo-Perizi modak kuno, kendo Ruoth Nyasaye nochiwogi e lwetgi, mi ne ginego ji alufu apar kuomgi e dala mar Bezek.

Jong’ad Bura 11:21

To Ruoth Nyasaye ma Nyasach Israel, noketo Sihon gi joge duto e lwet jo-Israel, mi jo-Israel noloyogi, mokawo piny jo-Amon duto, mi gidak kuno.

1 Samuel 23:4

Kuom mano Daudi nochako openjo Ruoth Nyasaye wach, mi Ruoth Nyasaye nodwoke niya, “A malo idhi Keila, nimar abiro chiwo jo-Filistia e lweti.”