Wuok 23:3 - MUMA MALER 2015

³ To bende kik idog ni ng’at modhier kayiem.

Motingʼo Loko Manyien

³ kendo kik ichwak ngʼato e bura nikech odhier.

Wuok 23:3 ပူးပေါင်းရင်းမြစ်များ

Wuok 23:6

“Kik uketh buch jachan, kiyale.

Ngeche 18:5

Ok en gima kare chwako jaketho, kata ketho buch ng’ama kare.

Ngeche 22:22

Kik iyak ng’at modhier mana nikech odhier, kendo ka odonj ni ng’at mathagore, to kik ithage,

Isaya 10:1

Yaye, unune malit, un joma loso chike ma ok ni kare, kendo ma keto chike maricho mathiro ji.

Tim jo-Lawi 19:15

“Kik iketh bura kuom dok ni jachan, kata kuom luoro ng’ama duong’ to ng’ad ni wadu bura kare kichung’ e adiera.

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Rapar mar Chik 1:17

Nyaka ubed joratiro kung’ado bura, kendo nyaka uwinj wach ng’at modhier mana kaka uwinjo wach jamoko. Kik uluor wang’ ng’ato, nikech ng’ado bura en mar Nyasaye. Kapo ni uneno ka bura moro tek ahinya, ma ok unyal ng’ado, to kelnagouru mondo ayale.’

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.