Wuok 23:25 - MUMA MALER 2015

²⁵ Lamauru, an Ruoth Nyasaye ma Nyasachu, mi anaguedhu gi chiemo kod pi, bende anatiek tuoche duto kuomu.

Motingʼo Loko Manyien

²⁵ Lamuru Jehova Nyasaye ma Nyasachu, kendo anagwedhu gi chiemo kod pi. Anatiek tuoche kuomu,

Wuok 23:25 ပူးပေါင်းရင်းမြစ်များ

Zaburi 103:3

En ema oweyona richona duto, kendo ochango tuochena pep.

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Eklesiastes 5:20

Kaka Nyasaye oseyiene mondo obed mamor kamano, ok obi thagore koparo ni ngima chwok.

Isaya 33:16

Ng’at ma kamano nodag kama oting’ore mokue. Got mabor motimo lwendni ema nobed kare mar geng’ruok, kendo enobed koyudo chiemo gi pi morome.

Isaya 33:24

Onge ng’at ma odak kuno ma nowach ni otuo, kendo richo mag ji man kuno nong’wonnigi.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Daniel 1:15

To kane ndalogo orumo, ne ginenore machwe kendo man gi teko moloyo yawuowi mane chamo chiemb od ruoth.

Tim jo-Lawi 11:44

An e Ruoth Nyasaye ma Nyasachu, omiyo nyaka opwodhru kendo ubed joma ler, nikech an aler. Kik uchidru gi gimoro mamol kata malak e lowo.

Tim jo-Lawi 26:3

“Ka uwuotho e yorena, mi urito chikena, kendo uluwogi,

Malaki 3:10

Keluru achiel kuom apar mag giu duto kar keno mar Hekalu, mondo chiemo obed e oda. Temieuru timo kamano ane, ka ok nayaw dirise mag polo, kendo amiu gik mabeyo mogundho, ma onge kama ikete.

Mathayo 4:10

To Yesu nodwoke ni, “Dhi kucha, Satan! Muma wacho ni, ‘Ng’ato nyaka lam mana Nyasache, kendo en kende ema nyaka otine.’ ”

Rapar mar Chik 10:12

“Koro un jo-Israel, ang’o ma Ruoth Nyasaye ma Nyasachu dwaro kuomu? Donge odwaro mana ni mondo uluore kendo uwuoth e yorene duto, kuhere kendo kutiyone gi chunyu duto?

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 13:4

Luwuru Ruoth Nyasaye ma Nyasachu kumiye duong’ kendo kurito chikene. Winjuru gima owacho, kendo lameuru kupadoru kuome.

Rapar mar Chik 6:13

Luoruru Ruoth Nyasaye ma Nyasachu, kendo utine. Ka ukuong’oru to nyaka ukuong’ru mana gi nyinge.

Rapar mar Chik 7:13

Enoheru kendo enogwedhu, mi enomi unya mathoth. Enoguedhu gi nyithindo mang’eny kod gik manyak e pwotheu, kaka ngano gi divai kod mo, kendo enoguedhu gi jamni mang’eny e piny ma nosingore ni kwereu ni nomiu.

Rapar mar Chik 7:15

Ruoth Nyasaye notiek tuoche duto kuomu bende ok nokelnu tuoche maricho mane goyou e piny Misri, to wasiku ema nokelne tuochego.

Joshua 22:5

Neuru ni urito chik duto mane Musa jatich Ruoth Nyasaye omiyiou. Heruru Ruoth Nyasaye ma Nyasachu, kuluwo yorene, kendo kurito chikene. Padreuru kuome, kutiyone gi chunyu duto.”

Joshua 24:21

To ji duto nodwoko Joshua niya, “Ooyo, wabiro tiyo ni Ruoth Nyasaye.”

Joshua 24:24

Ne gidwoke niya, “Wanati ni Ruoth Nyasaye ma Nyasachwa, kendo wanarit chikene.”

1 Samuel 12:20

Samuel nodwokogi ni, “Kik uluor. En adier ni usetimo richogo duto, to kata kamano meduru mana luwo Ruoth Nyasaye, kendo tineuru gi chunyu duto.

1 Samuel 12:24

Mak mana ni, luoruru Ruoth Nyasaye, kutiyone gi adiera kod chunyu duto, kendo paruru gik madongo mosetimonu.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”