Wuok 23:19 - MUMA MALER 2015

¹⁹ “Cham mabeyoe moloyo mukwongo kayo, nyaka ukel e Od Ruoth Nyasaye ma Nyasachu. “Kutedo nyadiel, to kik uolie cha min mare.

Motingʼo Loko Manyien

¹⁹ “Keluru cham mabeyo mokwongo nyaknu e lowo e od Jehova Nyasaye ma Nyasachu. “Kik uted nyadiel ma pod dhodho cha min.

Wuok 23:19 ပူးပေါင်းရင်းမြစ်များ

Nehemia 10:35

Wayie kelo chamb gwel e Od Ruoth Nyasaye higa ka higa, kaachiel gi olemo mokwongo nyak.

Nehemia 10:36

Bende wayie kelo e Od Nyasachwa yawuotwa makayo mokwong nywol ni jodolo matiyo e Od Nyasachwano, kaka ondiki e chik.

Wuok 22:28

“Kik uyany Nyasaye, kendo kik ukuong’ jotendu.

Wuok 22:29

“Kik utamru miya chiwo moa kuom chambu, kata kuom divai, kata kuom mo. Yawuotu makayo bende nyaka umiya,

Wuok 34:26

“Cham mabeyoe moloyo mukwongo kayo nyaka ukel e Od Ruoth Nyasaye ma Nyasachu. “Kitedo nyadiel, to kik uolie cha min.”

Ngeche 12:10

Ng’at maber rito jambe gi ng’wono. Ng’at marach to sando jambe asanda.

Ngeche 3:9

Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni.

Jeremia 10:3

Gik ma jogo lamo gin gik manono, nimar gin mana yien motong’ e bungu, kendo japecho payogi mana gi koyo, eka obawogi gi fedha kod dhahabu,

Ezekiel 44:30

Gin ema giniyud cham mabeyo duto mokwongo chiek mochiwna. E kinde ka kinde ma ji otedo makati, to ginimi jodolo makati mokwong tedi kaka chiwo mondo oguedh miechgi.

Ezekiel 48:13

Jo-Lawi nyaka yud lowo ma borne kilomita apar gariyo gi nus, to lachne kilomita abich, e bath lop jodolo.

Ezekiel 48:14

Lowo ma owal ni Ruoth Nyasaye e lowo maberie moloyo lowo duto, kendo onge kamoro amora kuome ma inyalo ng’iewo, kata wilo kata miyo ng’at moro machielo. Oler, kendo owale ni Ruoth Nyasaye.

Kwan 15:21

Nyaka uchiw ni Ruoth Nyasaye mich moyiedhi mugolo kuom makati mukuongo tedo. Mano en chik momakou gi nyikwau nyaka chieng’.

1 Jo-Korintho 15:20

To en adier ni Kristo ne ochier oa kuom joma otho! En ema nokwongo chier mana ka gir singo ni joma otho biro chier.

Rapar mar Chik 14:21

Kik ucham gima otho kende, nimar un joma ler mowal ni Ruoth Nyasaye ma Nyasachu. Gima kamano unyalo miyo jopinje mamoko modak kodu mondo ocham, kata unyalo ng’iewe gi jopinje mamoko. “Kutedo nyadiel, to kik uolie cha min mare.

Rapar mar Chik 26:10

A Ruoth Nyasaye, mano emomiyo akeloni gik mokwongo nyak e lowo misemiya.’ Eka noket atongano piny e nyim Ruoth Nyasaye, mi okulorene piny mondo olame.

Rapar mar Chik 26:2

to nyaka ng’ato ka ng’ato kaw gik moko duto mokwongo nyak e pinyno, kendo ket e atonga, mi dhigo kama Ruoth Nyasaye ma Nyasachu biro yiero mondo nyinge obedie.

Fweny 14:4

Magi e joma ne ok odwanyore gi mon, to ne giritore maler. Giluwo Nyarombo kamoro amora modhiye. Osewargi kuom ji mana kaka olemo mokwongo nyak, michiwo ni Nyasaye kendo ni Nyarombo.