Wuok 23:14 - MUMA MALER 2015

¹⁴ “Nyaka utimna sawo didek e higa:

Motingʼo Loko Manyien

¹⁴ “Unutimna nyasi mar sawo nyadidek e higa.

Wuok 23:14 ပူးပေါင်းရင်းမြစ်များ

1 Ruodhi 9:25

Didek e higa, Solomonn ne timo misengni miwang’o pep, gi mag sawo e kendo-mar-misango ma nogero ni Ruoth Nyasaye, kowang’o ubani e nyim Ruoth Nyasaye. Kamano nochopo singruokne.

2 Weche mag Ndalo 8:13

Odiechieng’ kodiechieng’ notimo misengni koluwo chik Musa. Notimogi chieng’ ma due opor, kendo e ndalo sewni adek mag higa, ma gin Sap Makati ma ok ketie Thowi, gi Sap Jumbe, kod Sap Kiche.

Wuok 23:17

Kinde adekgo e higa, jou machwo duto nyaka bi e nyima an Ruoth Nyasaye.

Wuok 34:17

“Kik ulos nyiseche mag mula mondo ulam.

Wuok 34:18

“Rituru Sawo mar Makati ma ok oketie Thowi, kaka asechiki. Nyaka ucham makati ma ok oketie thowi kuom ndalo abiriyo e ndalo mar Abib, nikech dueno ema ne ua e piny Misri.

Ezekiel 46:9

“E kinde ma ji obiro lamo Ruoth Nyasaye e sawo moro amora, to joma odonjo gi dhorangach ma yo nyandwat nyaka wuog gi dhorangach ma yo milambo, kendo jogo modonjo gi dhorangach ma yo milambo, nyaka wuog gi dhorangach ma yo nyandwat. Onge ng’ama onego owuog gi dhorangach modonjogo, to ng’ato ka ng’ato nyaka wuog mana gi dhorangach momanyore gi mane odonjogo.

Tim jo-Lawi 23:16

to chieng’ maluwo sabato mar abiriyo nobed chieng’ mar piero abich. Chiengno unutim misango mar cham gi cham mar higa manyien.

Tim jo-Lawi 23:34

mondo onyis jo-Israel bende ni, chakre due apar gabich mar due abiriyono, Sap Kiche mar Ruoth Nyasaye nobedie kuom ndalo abiriyo.

Tim jo-Lawi 23:4

“Sewni ma Ruoth Nyasaye oketo e magi: Gin chokruok maler ma ka kindegi ochopo to nyaka ugo milome maggi.

Tim jo-Lawi 23:5

“Due apar gang’wen, due mokwongo chakre odhiambo, en chieng’ Pasaka mar Ruoth Nyasaye.

Rapar mar Chik 16:1

“Nyaka utim Sap Pasaka e due mar Abib, nimar dueno ema ne Ruoth Nyasaye ma Nyasachu ogolou e Misri gotieno.

Rapar mar Chik 16:16

“Jou machwo duto nyaka bi e nyim Ruoth Nyasaye didek e higa ka higa, mondo otim sewni adekgo kama Ruoth Nyasaye biro yiero. Gin Sap Makati ma ok ketie Thowi, gi Sap Jumbe, kod Sap Kiche. Onge ng’at ma nobi e nyim Nyasaye gi lwete nono.

1 Samuel 1:3

Higa ka higa, ng’atni ne wuok e dalane, kadhi Shilo mondo olem kendo otim misango ni Ruoth Nyasaye Manyalo Gik Moko Duto. E ndalogo, noyudo ka Hofni gi Finehas, yawuot Eli, ne tiyo kuno ka jodolo mag Ruoth Nyasaye.