Wuok 23:13 - MUMA MALER 2015

¹³ “Mak uru weche duto ma asenyisou. Kik ulam nyiseche mamoko, kendo kik umul nyinggi.

Motingʼo Loko Manyien

¹³ “Nyaka une ni utimo gik moko duto ma asenyisou. Kik uluong nying nyiseche mamoko; bende kik uwe winjgi kata mana e dhou.

Wuok 23:13 ပူးပေါင်းရင်းမြစ်များ

Zaburi 16:4

Joma ringo dhi kuom nyiseche mamoko kelo chandruok mang’eny kuomgi giwegi. Ok anatim kodgi misengni mag remo ma giolo piny, kendo ok nalam nyisechegigo.

Zaburi 39:1

Ne awacho niya, “Abiro ritora kuom gik ma atimo, mondo kik awach gimoro marach. Ok anawuo ka joricho ni machiegni.”

Wuok 23:24

To kik ukulru ni nyiseche jogo, kata kik ulamgi. Bende kik utim gik ma jogo timo. Nyaka uketh nyisechegi chuth, kendo nyaka umuk sirni maggi ma gilamo.

Wuok 23:32

Kik utim kodgi winjruok kendo kik ulam nyisechegi,

Jeremia 10:11

Nyaka inyis jogo ni nyiseche mane ok ochueyo polo gi piny ibiro kethi. Ok ginichak gibed kamoro amora e piny.

Hosea 2:17

Ok nachak awe omul nying Baal kendo. An Ruoth Nyasaye ema awacho kamano.

Zekaria 13:2

E kindeno, anaruch nying nyiseche manono e piny, mi ok nochak opargi kendo. Bende anatiek jokor wach kod chuny magombo timo timbe makuero.

Kwan 32:38

gi Nebo gi Baal-meon, (mane nyinge oloki) kod Sibma. Mago e nying mane gichako mier mane gigerogo.

Jo-Efeso 5:12

En wichkuot kata mana wacho gik ma gitimo ling’ling’.

Jo-Efeso 5:15

Emomiyo tang’uru ahinya kaka onego ubedi. Kik ubed ka joma ofuwo, to beduru ka joma riek.

Rapar mar Chik 12:3

Mukuru kendegi mag liswa gi sirni maggi milamo mag kite, kendo uwang’ sirni maggi milamo mag yien, mi uketh kido mag nyisechegi. Kamano unuruch nying nyisechegi oko kuondego.

Rapar mar Chik 4:15

“Chieng’ mane Ruoth Nyasaye owuoyo kodu Horeb gie mach, ne ok uneno kit gimoro amora,

Rapar mar Chik 4:23

Ritreuru mondo une ni wiu ok owil gi singruok mane Ruoth Nyasaye ma Nyasachu osetimo kodu. Kik ulos kido moro amora maket, kukethogo chik mar Ruoth Nyasaye ma Nyasachu,

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Rapar mar Chik 6:1

“Koro magi e chike kod buche mane Ruoth Nyasaye ma Nyasachu ochika mondo apuonju uriti e piny mubiro donjoe kendo kawo mondo obed maru.

1 Timotheo 4:16

Tim kinda e wechego, kiritori iwuon, kendo kitimo gik mipuonjo. Kitimo kamano to iniresri iwuon, kendo nires joma winjo weche mipuonjo bende.

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Joshua 22:5

Neuru ni urito chik duto mane Musa jatich Ruoth Nyasaye omiyiou. Heruru Ruoth Nyasaye ma Nyasachu, kuluwo yorene, kendo kurito chikene. Padreuru kuome, kutiyone gi chunyu duto.”

Joshua 23:11

Omiyo neuru ni uhero Ruoth Nyasaye ma Nyasachu,

Joshua 23:7

Kik utim osiep gi joma odong’ e kindugo, bende kik uluong nying nyisechegi kata kuong’oru gi nyinggi, kata lamogi.