Wuok 23:12 - MUMA MALER 2015

¹² “Unuti kuom ndalo auchiel, to chieng’ mar abiriyo kik uti, mondo dhou gi kenjeu oyue, kendo mondo chuny wasumbu kod chuny jodak oduogi.

Motingʼo Loko Manyien

¹² “Tiuru tijeu kuom ndalo auchiel, to e odiechiengʼ mar abiriyo kik uti tich moro amora mondo omi rwethu kod pundeu oyud yweyo kendo misumba monywol e uteu kaachiel gi jodak bende nyalo yudo yweyo.

Wuok 23:12 ပူးပေါင်းရင်းမြစ်များ

Nehemia 13:16

Jo-Turo bende mane odak Jerusalem ne kelo rech kod gik ohala moko mopogore opogore chieng’ Sabato, mi gihonogi ni jo-Yahudi, kata mana e Jerusalem.

Wuok 16:23

mi nodwokogi niya, “Ruoth Nyasaye osechiko kama: ‘Kiny en chieng’ yueyo ma en Sabato mowal ni Ruoth Nyasaye. Kuom chiemo musechokogo, unyalo bulo mago mudwaro bulo, kendo boko mago mudwaro boko. To modong’ mondo oket tenge, okan nyaka kiny.’ ”

Wuok 23:11

To e higa mar abiriyo nyaka uwe onindi mak opure, mondo jou modhier ocham gik moloth kuno. To le mae thim nocham gik ma joma odhier oweyo kuno. Puotheu mag mzabibu, gi mag zeituni bende nyaka uwe kamano.

Wuok 34:21

“Unuti kuom ndalo auchiel, to chieng’ mar abiriyo nyaka uyue, kata obedo ni en kinde mag pur kata mag keyo.

Wuok 35:2

Unyalo tiyo kuom ndalo auchiel, to chieng’ mar abiriyo nyaka bednu chieng’ yueyo maler, nimar en Sabato mowal ni Ruoth Nyasaye. Ng’ato ang’ata motiyo chieng’no nyaka negi.

Wuok 35:3

Kik umok kata mana mach e miechu chieng’ Sabato.”

Isaya 58:3

Gipenja niya, “Ere gima omiyo watueyo chiemo ka in to ok ine mano? Koso ang’o momiyo wasandore ka in to ok ine?” An to adwokogi niya, “Winjuru! Chieng’ ma utueyo chiemo, to utimo gik ma un uwegi ema udwaro, kendo jotichu ema uturo gi tich matek.

Tim jo-Lawi 23:3

Unuti tijeu kuom ndalo auchiel, to chieng’ mar abiriyo en chieng’ yueyo moyiedhi. En odiechieng chokruok maler, ma kik utimie tich moro amora, nikech en sabato mar Ruoth Nyasaye kuonde duto mudakie.

Mariko 2:27

Eka Yesu nomedo wacho niya, “Sabato ne oketi nikech dhano, to dhano ne ok ochue nikech Sabato.

Luka 13:14

Kane jaduong’ od lemo oneno ka Yesu ochango dhakono chieng’ Sabato kamano, mirima nomake, mi owacho ni ji niya, “Nitie ndalo auchiel ma onego ji tiye, omiyo biuru e ndalogo mondo ochangu, to kik ubi chieng’ Sabato.”