Wuok 23:11 - MUMA MALER 2015

¹¹ To e higa mar abiriyo nyaka uwe onindi mak opure, mondo jou modhier ocham gik moloth kuno. To le mae thim nocham gik ma joma odhier oweyo kuno. Puotheu mag mzabibu, gi mag zeituni bende nyaka uwe kamano.

Motingʼo Loko Manyien

¹¹ to e higa mar abiriyo weuru puothe onind ma ok opur kendo ma ok okomie cham. Eka joma odhier mantie e kind jou nyalo yudo chiemo, kendo le mag thim nyalo chamo gima giweyo. Timuru kamano bende ne puotheu mag mzabibu kod zeituni.

Wuok 23:11 ပူးပေါင်းရင်းမြစ်များ

Nehemia 10:31

Ka jogo okelo gik ohala moko, kata cham moro amora chieng’ Sabato, to ok wanang’iep kuomgi chieng’ Sabato kata chieng’ moro amora maler. Bang’ higni abiriyo abiriyo ok wanapur puothewa, kendo wanawe ji duto mosing ni gope.

Nehemia 10:32

“Bende wasingore ni higa ka higa wanachiw pesa moromo achiel kuom adek mar shekel ni tich Od Nyasachwa,

Wuok 23:10

“Unyalo puro lopu kuom higni auchiel, kendo kayo gik monyakie.

Wuok 23:12

“Unuti kuom ndalo auchiel, to chieng’ mar abiriyo kik uti, mondo dhou gi kenjeu oyue, kendo mondo chuny wasumbu kod chuny jodak oduogi.

Tim jo-Lawi 25:20

Kapo ni upenjo gima ubiro chamo e higa mar abiriyo ka ok uchuoyo, kata ka ok ukeyo,

Tim jo-Lawi 25:22

Kuchuoyo e higa mar aboro, to noyud ka pod uchamo cham machon. Unubed kuchamo cham machon nyaka chop uka cham manyien mar higa mar ochiko.

Kwan 16:14

To gima rach moloyo en ni ok isekelowa e piny maber kendo momew, bende ok isemiyowa puothe cham gi mag mzabibu mondo obed mawa. Iparo ni inyalo wuondo ji machal kodwa kama? Ooyo, ok wabi!”

Rapar mar Chik 15:11

Pile ubiro bedo gi jochan e pinyu, mano emomiyo achikou ni mondo ubed mang’won ni jo-Israel weteu ma jochan kata manie chandruok.