Wuok 23:1 - MUMA MALER 2015

¹ “Kik ijig wach, kendo kik ikony ng’at ma jaketho, kibedo janeno mar miriambo.

Motingʼo Loko Manyien

¹ “Kik iland wach ma ok adiera. Kik ikony ngʼat marach kidoko janeno mar miriambo.

Wuok 23:1 ပူးပေါင်းရင်းမြစ်များ

Chakruok 39:17

mi nonwoyo mana weche ma nowachogo niya, “Misumba ma ja-Hibrania mane ikelo e odwa cha nende obiro ira mondo omaka.

2 Samuel 16:3

Ruoth nomedo penje ni, “To wuod ruodhi ni kanye?” Ziba nodwoke niya, “Odong’ Jerusalem, nikech nowacho ni, ‘Tinende jo-Israel biro dwokona loch wuora.’ ”

2 Samuel 19:27

to jatichnano nothuwa kodi, omiyo naluoro biro. To ruoth ichalo kaka malaika mar Nyasaye, emomiyo tim gima ineno ni ber,

Zaburi 101:5

Anatiek ng’ato ang’ata maketho nying wadgi gi weche maricho, kendo ok nayie gi ng’at ma jasunga mochayo ji.

Zaburi 120:3

Un jomriambo, Nyasaye notimnu ang’o? Nokumu machal nadi?

Zaburi 15:3

Onego obed ng’at ma ok keth nying ng’ato, kendo ma ok tim marach ni osiepene, bende ma ok kuodh jowadgi,

Zaburi 27:12

Kik ijwang’a e lwet wasika ma monja gi weche mag miriambo, kendo ma bwoga.

Zaburi 35:11

Joricho bedo joneno mag miriambo kuoma, kendo gidonjona kuom ketho ma ok ang’eyo.

Wuok 20:16

“Kik ihang ni ng’ato wach.

Wuok 23:7

Beduru mabor gi wach mar miriambo, kendo kik umi ng’at maonge ketho ng’adne buch tho, nimar ok nawe ng’at motimo marach machalo kamano.

Ngeche 10:18

Ng’at mapando sigu manie chunye en jamriambo, kendo jafuong’ wach en ng’at mofuwo.

Ngeche 12:17

Adiera kelo bura makare. Miriambo to kelo mana buch amwor.

Ngeche 14:5

Janeno malong’o pile wacho adiera. Janeno ma mibadhi to wacho mana miriambo lilo.

Ngeche 17:4

Joma timbegi mono ohero winjo weche maricho. Jomriambo bende kuoth ema mitnigi.

Ngeche 19:28

Janeno man gi sadha e chunye ketho bura. Joricho to chadho mana weche mamono.

Ngeche 19:5

Janeno ma jamriambo ok nyal tony mak okum. Adier, ng’at ma wacho miriambo lilo ok tony.

Ngeche 19:9

Janeno mariambo ok nyal tony mak okum. Ng’at ma kamano nolal nono.

Ngeche 21:28

Janeno ma wacho miriambo biro lal nono, to ng’at mawacho adiera, nowe nyikwayo bang’e.

Ngeche 24:28

Kik ibed janeno mar miriambo kuom wadu ka onge gima omiyo.

Ngeche 25:18

Ng’at ma riambo kuom wadgi chalo mana gi arungu kata ligangla kata asere mabith.

Ngeche 25:23

Fuong’o wach kelo miero, mana kaka yamo kelo koth.

Ngeche 6:19

mar auchiel en janeno mawacho miriambo lilo, mar abiriyo en ng’at mathuwo osiepe mondo odhaw.

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Tim jo-Lawi 19:11

“Kik ikwel, kata kik iwuond wadu kata kik imaye e yor wuond.

Tim jo-Lawi 19:16

Kik iwuoth koni gi koni kiketho nying jou, kata kik ihangne wadu wach kodonjne e buch nek. An e Ruoth Nyasaye.

Mathayo 19:18

To wuowino nomedo penje ni, “Gin chike mage monego ariti?” Yesu nodwoke niya, “Kik ineki, kik iterri, kik ikwal, kik ihang wach,

Luka 19:8

Zakayo nochung’, mowacho ni Ruoth Yesu niya, “Ruoth, abiro pogo nus giga ni jochan, kendo kapo ni asemayo ng’ato gire e yo ma ok kare, to abiro chulo nyading’wen.”

Luka 3:14

Askeche moko bende ne openje ni, “Wanto, ere gima onego watim?” Ne odwokogi niya, “Kik uma ng’ato pesane gi thwon, kata kujigone wach, to pok muyudo ema mondo oromu.”

Johana 7:51

“Donge Chikwa okwer ni kik ng’ad ni ng’ato bura ka pok oyale, mi owinj wechene?”

Jo-Rumi 3:8

To mano chalo mana gi wacho ni, “Watimuru richo mondo ber obedie.” Chutho, jomoko osehangonwa kawacho ni mano e gima wapuonjo! Nyasaye nokum joma kamago kaka owinjore!

Jo-Efeso 4:25

Emomiyo koro weuru miriambo! Ng’ato ka ng’ato mondo owach ni wadgi mana adiera, nikech wan duto wan fuond ringruok achiel.

Rapar mar Chik 5:20

“ ‘Kik ihang ni ng’ato wach.

2 Timotheo 3:3

Ginibed joma ok ohero jowetegi, kendo mamako sadha. Bende ginibed joma jokuoth kendo joma oowore, kendo jomahundu, kendo joma ok ohero gik mabeyo.

1 Petro 3:16

To timuru kamano gi muolo kod luor, kendo nyaka ubed gi chuny maler, mondo timu maber kaka jo-Kristo okuod wi jogo mayanyou, kendo hangonu wach.

Fweny 12:10

Eka ne awinjo dwol maduong moa e polo, kawacho niya, “Koro Nyasachwa oselocho. En kinde mar tekone gi lochne kaachiel gi mar Mesia mare, ma bende oyudo lochne. Oselo jadonj ni owetewa, madonjonigi e nyim Nyasaye odiechieng’ gotieno, mi owite e piny.