Wuok 22:9 - MUMA MALER 2015

⁹ “Gimoro amora mochachni, kata rwath kata kanyna, kata rombo, kata law, kata gimoro amora mokwany ma ji ariyo laro, nyaka ter wachne e nyim Nyasaye. Jal ma Nyasaye onyiso ni e jaketho, nyaka chul wadgi mokethoneno nyadiriyo.

Motingʼo Loko Manyien

⁹ E weche duto mag bedo gi rwath, e yo ma ok owinjore kata punda kata rombo kata law, kata gimoro amora molal ma ngʼato diwachie ni, ‘Ma en mara,’ jogo duto nyaka kel wechegigo e nyim jongʼad bura. Ngʼat ma jongʼad bura oyudo ni nigi ketho, nyaka chul wadgino nyadiriyo.

Wuok 22:9 ပူးပေါင်းရင်းမြစ်များ

Chakruok 31:39

Kane ondiek onego romboni moro, ne ok adewo keloni ringe ma dinyisi gima osetimore, to nachulo achula. Ne iketo chik ni nyaka achul chiayo moro amora mokwal, bed ni okwale godiechieng’ kata gotieno.

1 Ruodhi 8:31

“Ka ng’ato otimo ni wadgi marach, kendo okete mondo ocham muma, mi okuong’ore e nyim kendo-mar-misango manie odni,

2 Weche mag Ndalo 19:10

Kamano ka joweteu modak e mier mamoko okelo wach moro e nyimu, bed ni en wach nek kata wach ketho chik Nyasaye, kata buch piny, kata buch dini, kata chik moro amora, to nyaka upuonjgi ni kik giketh e nyim Ruoth Nyasaye, nimar dokech kodu kaachiel gi joweteugo. Kutimo kamano, ok nubed gi ketho.

Wuok 22:10

“Ka ng’ato oriembo ni wadgi kanyna, kata dhiang’, kata rombo, kata chiayo moro amora, mi chiayono otho, kata ohinyore, kata ope e kwath, ka ng’ama neno onge,

Wuok 22:28

“Kik uyany Nyasaye, kendo kik ukuong’ jotendu.

Tim jo-Lawi 6:5

kata gimoro amora mane okuong’oree gi miriambo, to enochul gino pep, chieng’ mochiwoe misango mipwodhogo ketho mar gowi, komedoe achiel kuom abich mar nengo gino.

Mathayo 18:15

“Ka wadu moro otimoni marach, to dhi ire mondo inyise wachno ka un kode ji ariyo. Ka owinjo wachni to iloso kindi gi wadu.

Mathayo 18:35

Yesu notieko, kawacho niya, “Mano e kaka Wuora mae polo bende notim ni ng’ato ka ng’ato kuomu ma ok oweyo ni wadgi gi chunye duto!”

Rapar mar Chik 25:1

“Ka ji ariyo larore e wach moro, mi gibiro mondo oyalgi, to nyaka jong’ad bura ng’ad nigi bura kare, ka giweyo ng’at ma onge gi ketho, to gikumo jaketho.