Wuok 22:27 - MUMA MALER 2015

²⁷ nikech mano e lawe kende moumorego. Ka ok itimo kamano, to ere gima donindie? Ka oywakna ni mondo akonye, to anawinje, nikech ang’won.

Motingʼo Loko Manyien

²⁷ nikech laweno kende ema oumorego. Ere gima donindie? Ka oywakna, to abiro winjo, nimar an Nyasaye ma jangʼwono.

Wuok 22:27 ပူးပေါင်းရင်းမြစ်များ

2 Samuel 16:5

Kane Daudi ochopo Bahurim, ng’at moro ma nyinge Shimei wuod Gera, ma ja dhood Saulo, nowuok, mokuong’e alanda.

1 Ruodhi 2:8

To kik wiyi wil gi Shimei wuod Gera ma ja-Benjamin moa Bahurim, nikech nokuong’a gi kuong’ malit, chieng’ mane awuok kadhi Mahanaim. To bang’e, kane romona e aora Jordan, nakuong’orane gi nying Ruoth Nyasaye ni ok nanege.

1 Ruodhi 2:9

To koro kik iweye mak ikume. In ng’at mariek, kendo ibiro ng’eyo gima owinjore itim, mondo otho tho mar masira, kata obedo ni wiye oseti lwar kamano.”

2 Weche mag Ndalo 30:9

Kuduogo kuom Ruoth Nyasaye, eka oweteu gi nyithindu noyud ng’wono kuom joma nomakogi, mi giniduogi e pinyni, nimar Ruoth Nyasaye ma Nyasachu ng’won, kendo jamiwafu, omiyo ka uduogo kuome, to ok noloknu ng’eye.”

Zaburi 34:6

Joma ok nyal konyore kendgi ywakne mondo okony, kendo owinjogi. Ee, okonyogi e chandruok duto ma gin-go.

Zaburi 72:12

Ka joma odhier oywakne, to oreso, kaachiel gi jochan kod joma onge gi ng’ama dikonygi.

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Wuok 22:23

Ka uthagogi, mi giywakna mondo akonygi, to anawinjgi,

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Eklesiastes 10:20

Kik ikuong’ ruoth kata mana e chunyi. Bende kik iwuo marach kuom jomwandu kata mana ka in kendi e odi mar nindo, nimar dipo ka winyo okawo wachno, motero oko.

Isaya 19:20

Sirono nochung’ kanyo kaka ranyisi, kendo kaka rapar ni Ruoth Nyasaye Manyalo Gik Moko Duto e Misri, mondo ka giywakne e kinde ma wasikgi thirogi, to oornigi jawar, mondo okonygi kendo oresgi.

Rapar mar Chik 24:10

“Kiholo ja-Israel wadu gimoro, to kik idonj e ode kikawo gir singo.