Wuok 22:25 - MUMA MALER 2015

²⁵ “Ka iholo ng’ata moro ma jachan pesa, to kik ikaw kuome ohala, ka jahol pesa.

Motingʼo Loko Manyien

²⁵ “Ka iholo pesa ni achiel kuom joga ma jachan mantie e dieru, to kik uchal gi ji mamoko ma holo ji pesa kendo kik ukaw ohala kuomgi.

Wuok 22:25 ပူးပေါင်းရင်းမြစ်များ

2 Ruodhi 4:1

Chieng’ moro, dhako moro ma chi liel, ma chwore ne achiel kuom oganda jonabi, notero ywak ir Elisha, kawachone niya, “Chwora osetho, kendo ing’eyo kaka ne en ng’at ma oluoro Ruoth Nyasaye. To jabendho osebiro mondo okaw nyithinda ariyo, olok wasumbe.”

2 Ruodhi 4:7

Eka dhakono nodhi, monyiso ng’at Nyasaye gima osetimore. Elisha nodwoke niya, “Dhiyo, ihon morno, ichulgo gopeni, to modong’, ukonyrugo gi yawuoti.”

Nehemia 5:7

To nahoyo chunya, mi aparo gima onego atim. Bang’e nadhi maloso gi joka ruoth kod jotelo moko, ka akwerogi ni gisetimo marach kuom kawo jo-Yahudi wetegi ka gik mosing ni gope.

Zaburi 15:5

Oholo gik moko, to ok okawie ohala, kendo ok ocham asoya mondo oketh buche joma onge ketho. Ng’at ma timo gigo duto ok nopodhi.

Ngeche 28:8

Ka iholo ji gik moko mondo odwokni gi ohala, to ohala miyudono nodog ni ng’at machielo makonyo jochan.

Jeremia 15:10

Jeremia noywagore niya, “Yaye! Hapa rach! Ere gima omiyo ne mama onywola, nimar ji duto osiko ka dhaw adhawa koda? Pok aholo ng’ato pesana, bende pok aholo pesa kuom ng’ato, to kata kamano, ji duto kuong’a.

Ezekiel 18:13

bende oholo ji pesa mondo oyudie ohala. Koro ng’at makamano dibed mangima adier? Ooyo, ok onyal bet mangima. Enotho, nikech osetimo timbe modwanyorego duto, kendo rembe nodog e wiye owuon.

Ezekiel 18:17

Ok odwar timo timbe mamono, kendo ok ohol ji pesa mondo oyudie ohala, to orito chikena, kendo oluoro buchena. Kuom mano, richo mag wuon ok nomi otho, to enobed abeda mangima.

Ezekiel 18:7

Ok othir ng’ato kendo ok omechi, bende odwoko gima osingne. Joma kech ohewo omiyo chiemo, kendo joma wuotho duge orwako gi lewni.

Ezekiel 18:8

Ok ohol pesa mondo oyudie ohala, bende odagi timo timbe mamono, kendo ong’ado bura kare e gimoro amora ma ji yalo.

Ezekiel 22:12

Jomoko kuomu chuero remo mana ni mondo oyud pesa. To moko bende okawo ohala kuom pesa ma giholo jo-Israel wetegi, kendo gidoko momew e yor wuond. Wiu osewil koda. An Ruoth Nyasaye ema awacho kamano.

Amos 2:8

Kuonde duto ma ji lamoe, ginindo e lewni mosingnigi kuom gope. Divai ma ukawo kuom joma ugoyo faini, umadho e Hekalu mar Nyasachu.

Mathayo 25:27

Ka kamano, to kara nonego iter pesana e bengi, mondo ka adwogo to akawe gi ohande.’

Luka 19:23

To ka kamano, to marang’o ne ok iketo pesana e bengi mondo ka aduogo to akawe kod ohande?’

Rapar mar Chik 15:7

“Kapo ni nitie jo-Israel weteu moko ma jochan e dalau moro e piny ma Ruoth Nyasaye ma Nyasachu biro miyou, to kik iu bed makwar, mutamru konyogi,

Rapar mar Chik 24:13

to nyaka idwoknego ka pok chieng’ opodho mondo onindie. Kamano ng’atno noguedhi, kendo Ruoth Nyasaye ma Nyasachi nokwan gima itimono ka gima ber.