Wuok 22:24 - MUMA MALER 2015

²⁴ kendo anakech kodu, mi anakel lweny ma unuthoe. Kamano mondu nodong’ mond liete, kendo nyithindu nobed kiye.

Motingʼo Loko Manyien

²⁴ Mirimba biro bedo mager kodu kendo abiro negou gi ligangla mondeu biro bedo monde liete kendo nyithindu biro bedo nyithi kiye.

Wuok 22:24 ပူးပေါင်းရင်းမြစ်များ

Nehemia 5:7

To nahoyo chunya, mi aparo gima onego atim. Bang’e nadhi maloso gi joka ruoth kod jotelo moko, ka akwerogi ni gisetimo marach kuom kawo jo-Yahudi wetegi ka gik mosing ni gope.

Ayub 31:23

To adier ne ok anyal timo gima kamano, nikech aluoro kum malich ma Nyasaye kumogo ji.

Zaburi 109:2

nimar joricho gi jomriambo josemonja, ka hangona wach.

Zaburi 109:9

Nyithinde onego dong’ kiye. Chiege bende onego bed chi liel.

Zaburi 15:5

Oholo gik moko, to ok okawie ohala, kendo ok ocham asoya mondo oketh buche joma onge ketho. Ng’at ma timo gigo duto ok nopodhi.

Zaburi 69:24

A Nyasaye, onego ito mirimbi mager kuomgi, kendo sandgi malit kikecho.

Zaburi 76:7

To in, A Ruoth, ilich manade! Ere gima dichung’ e nyimi ka ikecho?

Zaburi 90:11

Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo?

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Jeremia 18:21

To koro Ruoth Nyasaye, we kech oneg nyithindgi, kendo we githo e lweny. Joma chwo gi nyithindo mondo otho, kendo mon mondo odong’ mond liete, kendo maonge nyithindo. Tuoche mondo oneg jodongo, to yawuowi mondo otho e lweny.

Ywagruok 5:3

Wachalo gi nyithindo makiye, maonge gi wuonegi. Minewa bende chalo mond liete.

Tim jo-Lawi 25:35

“Ka ja-Israel wadu odoko modhier ma ok onyal konyore, to nyaka ukonye mana kaka unyalo konyo japiny moro kata wendo, kendo nodag kodu.

Tim jo-Lawi 25:36

Kuhole gimoro, to kik ukaw kuome ohala, to luoruru Nyasachu, kendo uyie owadu odag kodu.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Luka 6:38

Chiwuru, eka un bende nomiu. Unuyud rapim mopong’ thich, moiki, kendo motiel moo oko, nimar rapim ma upimoe ema un bende nopimnue.”

Rapar mar Chik 23:20

Inyalo kawo ohala kuom gima iholo japiny moro nono, to ok kuom ja-Israel wadu. Kuluwo chikno, to Ruoth Nyasaye ma Nyasachu noguedhu kuom gik moko duto mutimo e piny ma ubiro donjoe mondo udagie.

Rapar mar Chik 23:21

“Kikuong’ori kuom wach moro, to nyaka ichop kuong’ruokno piyopiyo, nikech ka ok itimo kamano, to Ruoth Nyasaye ma Nyasachu nobandhi wachno, kendo nibed jaketho.

Jo-Hibrania 10:31

En gima lich miwuoro, lwar e lwet Nyasaye mangima!