Wuok 22:21 - MUMA MALER 2015

²¹ “Kik uthag jadak, kata kik uthire, nikech un bende ne un jodak e piny Misri,

Motingʼo Loko Manyien

²¹ “Kik sand jadak kata loke misumba, nikech ne un jodak Misri.

Wuok 22:21 ပူးပေါင်းရင်းမြစ်များ

Ayub 6:27

Un joma digo ombulu nyathi kich mondo obed misumbau, kendo di uho osiepeu mondo uyud mwandu kuomgi!

Zaburi 146:9

Orito jopinje mamoko modak e piny joge, bende okonyo mond liete gi nyithi kiye, to orocho gik ma joricho ochano timo!

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 23:9

“Kik usand jodak, nikech ung’eyo paro ma jodak nigo, nimar un bende ne un jodak e piny Misri.

Isaya 1:17

kendo uwe timo richo to utim mana gik mabeyo. Luwuru mana adiera, kendo konyuru joma ithiro. Bende nyaka une ni nyithi kiye kod mond liete oyal buchegi kare.”

Jeremia 22:3

An Ruoth Nyasaye awachonu ni mondo utim gik makare kendo madier. Konyuru ng’at ma ithiro e lwet joma thire. Kik usand kata kik uthir jodak gi nyithi kiye kod mond liete, bende kik uneg joma onge ketho kama oyangnani.

Jeremia 7:6

Weuru sando jopinje mamoko modak kuomu, kata nyithi kiye, kata mond liete. Bende kik uchuer remb joma onge ketho kaeri, kendo kik ulam nyiseche mamoko, nimar mano ditieku chuth.

Ezekiel 22:7

Onge kata ng’at achiel e dala mamiyo wuon gi min luor. Uwuondo jopinje mamoko, kendo usando mond liete gi nyithi kiye.

Tim jo-Lawi 19:13

Kik idhir wadu, kata kik imaye gire. Bende nyaka ichul jatich mana e odiechieng’ motiyonieno.

Tim jo-Lawi 19:33

“Ka japiny moro odak kuomu, to kik uthage.

Tim jo-Lawi 19:34

Nyaka urite mana kaka wuodu, kendo uhere mana kaka uheroru uwegi, nikech un bende ne un jodak e piny Misri. An e Ruoth Nyasaye ma Nyasachu.

Tim jo-Lawi 25:35

“Ka ja-Israel wadu odoko modhier ma ok onyal konyore, to nyaka ukonye mana kaka unyalo konyo japiny moro kata wendo, kendo nodag kodu.

Zekaria 7:10

Kik usand nyithi kiye gi mond liete, gi jopinje mamoko modak kuomu, kod joma odhier, bende kik ng’ato chan timo ni wadgi tim moroo mamono.’

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Rapar mar Chik 1:16

E kinde nogo nachiko jong’ad bura mau niya: ‘Un ema onego uyal buche mag joweteu, kendo nyaka ung’ad bura kare e kind ng’ato gi wadgi, kata bed ni ng’atno en ja-Israel wadu, kata en jadak.

Rapar mar Chik 10:18

To ong’ado bura kare ni mond liete, kendo ni nyithi kiye. Ohero jodak, kendo omiyogi chiemo gi lewni.

Rapar mar Chik 10:19

Omiyo un bende onego uher jodak man kuomu, nimar un bende ne un jodak e piny Misri.

Rapar mar Chik 15:15

Paruru ni ne un wasumbni e piny Misri, to Ruoth Nyasaye ma Nyasachu noresou. Mano emomiyo amiyou chikni.

Rapar mar Chik 23:16

Nyaka uweye odag e pinyu e dala moro amora mohero. To kik uloke misumba.

Rapar mar Chik 23:7

“To kik ukaw jo-Edom ka joma okwedi, nikech gin joweteu, bende kik ukaw jo-Misri ka joma okwedi nikech ne udak e pinygi ndalo moko.

Rapar mar Chik 24:17

“Kik ung’ad buch amwor ni jodak kata ni nyathi kich, bende kik ukaw law dhako ma chwore otho ka gir singo.

Rapar mar Chik 27:19

“ ‘Okuong’ ng’at moketho buch japiny moro modak kodu, kata buch nyathi ma kich, kata buch chi liel.