Wuok 22:18 - MUMA MALER 2015

¹⁸ “Kik uwe dhako ma jajwok bed mangima, to nyaka unege.

Motingʼo Loko Manyien

¹⁸ “Kik uwe jajwok madhako bed mangima.

Wuok 22:18 ပူးပေါင်းရင်းမြစ်များ

Isaya 19:3

Chuny jo-Misri nonyosre, kendo anaketh rieko ma ging’ado, mi ginipenj nyiseche manono mondo onyisgi wach, bende ginidhi ir ajuoke mopogore opogore.

Jeremia 27:10

to giwuondou, kendo gibiro miyo teru mabor gi pinyu. Anariembu oko, mi urum pep.

Jeremia 27:9

Kik uchik itu kuom jonabi kata kuom ng’ato ang’ata mawacho ni nyalo koro gik ma biro timore e yor lek kata e yor luongo chuny joma osetho, kata e yor mbofwa. Jogo duto koronu wach ni ok unubed e bwo loch ruodh Babulon,

Tim jo-Lawi 18:23

Kik iterri gi chiayo moro, mi omiyi ibed mogak. Dhako bende kik yie mondo chiayo moro oriwre kode. Mano en gima mono.

Tim jo-Lawi 19:26

“Kik ucham ring’o man gi remo. Kik upor wach, kata kik ubed ajuoke.

Tim jo-Lawi 19:31

“Kik udhi ir jonyakalondo kata kuom ajuoke ma moko, nikech kutimo kamano to udoko mogak. An e Ruoth Nyasaye ma Nyasachu.

Tim jo-Lawi 20:27

“Ng’ato ang’ata kuomu ma dichwo kata ma dhako ma janyakalondo kata ma ajuoga moro amora nyaka go gi kite mi otho, kendo rembe nodong e wiye owuon.”

Tim jo-Lawi 20:6

“Ka ng’ato oweya, modwanyore gi jonyakalondo kod ajuoke ma moko kaka dhako weyo chwore kendo dwanyore gi chwo mamoko, to nabed jasik ng’atno, kendo nang’ad kare oko kuom ogandagi.

Tich Joote 19:19

Jomoko kuom joma ne osebedo ka timo timbe ajuoke bende nochoko kitepegi mag thieth kaachiel, mowang’o e nyim ji duto. Ne gikwano nengo kitepe mowang’go duto mi ginwang’o ni oromo siling’ alufu mia abich.

Jo-Galatia 5:20

lamo nyiseche manono, jwok, sigu, dhaw, nyiego, mirima, ichlit, miero, pogruok e kanyakla,

Rapar mar Chik 27:21

“ ‘Okuong’ ng’at moterore gi le moro amora.

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.

1 Samuel 28:3

Noyudo Samuel osetho, mi jo-Israel duto noywage, kendo ne giyike Rama, dalane owuon. To Saulo noseriembo jo-nyakalondo kod ajuoge duto oa e piny Israel.

1 Samuel 28:9

To dhakono nodwoke niya, “Donge ing’eyo gima Saulo osetimo? Oseriembo jo-nyakalondo gi ajuoge e pinywa. Marang’o ichika gi masira?”