Wuok 22:17 - MUMA MALER 2015

¹⁷ To ka wuon nyako odagi ni ng’atno ok kend nyare, to nyaka ng’atno chul pesa moromo nywomo nyako ngili.

Motingʼo Loko Manyien

¹⁷ Ka wuon-gi otamore chiwe ne ngʼatno, to ngʼatno pod nyaka chul mana gir keny.

Wuok 22:17 ပူးပေါင်းရင်းမြစ်များ

Chakruok 23:16

Ibrahim noyie gi nengo mane Efron osegoyo e nyim jo-Hiti, mi nomiye nus kilo mar fedha. Nopimogi gi rapim mane jolok ohala tiyogo.

Chakruok 30:20

Nowacho niya, “Nyasaye osemiya chiwo maber. Koro chwora biro gena, nikech asenywolone yawuowi auchiel.” Omiyo nochako wuodeno ni Zebulun, (tiende ni, geno).

Chakruok 34:12

Nyisauru kar gik monego anywomnu kod chiwo monego amiu. Ayie chiwo gimoro amora mudwaro, kuyie ni mondo akend nyani.”

Tim jo-Lawi 20:6

“Ka ng’ato oweya, modwanyore gi jonyakalondo kod ajuoke ma moko kaka dhako weyo chwore kendo dwanyore gi chwo mamoko, to nabed jasik ng’atno, kendo nang’ad kare oko kuom ogandagi.

Rapar mar Chik 18:10

Kik uyie ni ng’ato kuomu wang’ wuode kata nyare ka gir misango. Bende kik bedie jakor kata jambofwa kata jadil kata jandagla

Rapar mar Chik 22:29

to nyaka ng’atno chul wuon nyako pesa moromo fedha piero abich. To bende nyaka okend nyakono, nikech osemiye wichkuot, kendo ok onyal riembe nyaka chieng’.

1 Samuel 18:25

Eka Saulo nowachonigi niya, “Wachuru ni Daudi ni ruoth ok dwar gima inywomone, to odwaro mana ringre jo-Filistia mia achiel, mondo ochulgo kuor ni wasike.” To Saulo noparo ni mano ema dimi Daudi tho e lwet jo-Filistia.

1 Samuel 28:3

Noyudo Samuel osetho, mi jo-Israel duto noywage, kendo ne giyike Rama, dalane owuon. To Saulo noseriembo jo-nyakalondo kod ajuoge duto oa e piny Israel.