Wuok 22:14 - MUMA MALER 2015

¹⁴ “Ka ng’ato oholo chiach wadgi, to bang’e chiayono ohinyore kata otho ka wuon-go onge, to jal moholono nyaka chule.

Motingʼo Loko Manyien

¹⁴ “Ka ngʼato oholo chiayo koa kuom wadgi kendo chiayono ohiny kata otho ka wuon-gi onge, nyaka ochul.

Wuok 22:14 ပူးပေါင်းရင်းမြစ်များ

Nehemia 5:4

To jomoko bende ne singo puothegi mag cham gi mag mzabibu mondo giyud pesa ma digigolgo osuru ni ruoth.

Zaburi 37:21

Ng’at ma timbene richo holo, to ok chul gima oholo. Ng’at maber to ng’won, kendo konyo ji.

Wuok 21:34

to nyaka ochul chiayono. Enochul wuon chiayo pesa, to chiayo mothono nodong’ne.

Wuok 22:11

to ng’at mane oriembnegono nyaka kuong’re e nyim Nyasaye, konyiso ni en ok okawe. To ka oyud ni ok okwale adier, to wuon-go nyaka we wachno kamano, kendo ng’atno ok nochule.

Wuok 22:13

To ka ondiek ema onege nyaka okel ringe modong’ mondo ji one, nikech ok onego ochul gima ondiek ema onego.

Wuok 22:15

To ka chiayono ohinyore kata otho ka wuon-go nitie, to jaholono ok chule. To ka en gima ichuloe gimoro, to wuon chiayono noyud mana chudono kende.

Tim jo-Lawi 24:18

Ka ng’ato ogoyo chiayo motho, to nyaka ochul chiayo kar chiayono.

Mathayo 5:42

Bende ka ng’ato okwayi gimoro, to miye; kata ka ng’ato dwaro holo gimoro kuomi, to kik itamri.

Luka 6:35

To un nyaka uher wasiku, kendo utimnigi maber, bende nyaka uhol giu ka ok ugeno ni didwoknugi. Eka unuyud pod maduong’ kendo unubed nyithind Ngama Duong’ Moloyo. En ong’won ni joma ok gone erokamano, bende ong’won ni joricho.

Rapar mar Chik 15:2

Unuwegi kama: Ng’ato ka ng’ato nyaka we gope ma ja-Israel wadgi oseholo kuome. Ok nochune mondo ochul, nikech higa ma Ruoth Nyasaye oketo mondo oweyee gope osechopo.