Wuok 22:11 - MUMA MALER 2015

¹¹ to ng’at mane oriembnegono nyaka kuong’re e nyim Nyasaye, konyiso ni en ok okawe. To ka oyud ni ok okwale adier, to wuon-go nyaka we wachno kamano, kendo ng’atno ok nochule.

Motingʼo Loko Manyien

¹¹ to wach mantie e kindgi ibiro losi kuom kwongʼruok e nyim Jehova Nyasaye ne wadgino nine ok omulo mwandu wadgi. Wuon chiayono nyaka yie gi wachno, kendo onge chudo manochiw.

Wuok 22:11 ပူးပေါင်းရင်းမြစ်များ

Wuok 22:10

“Ka ng’ato oriembo ni wadgi kanyna, kata dhiang’, kata rombo, kata chiayo moro amora, mi chiayono otho, kata ohinyore, kata ope e kwath, ka ng’ama neno onge,

Wuok 22:12

To ka okwal chiayono kuome, to nyaka ochul wuon-go.

Wuok 22:8

To ka ok oyude, to nyaka wuon odno dhi e nyim Nyasaye mondo okuong’re ni ok okawo gino.

Wuok 23:1

“Kik ijig wach, kendo kik ikony ng’at ma jaketho, kibedo janeno mar miriambo.

Ngeche 30:9

nimar ka abedo gi chiemo mathoth, to dipo ka akwedi, to bende ka an jachan, to dipo ka akwelo, mi aketho nyingi, yaye Nyasaye.

Eklesiastes 8:2

Nyaka itim gima jatelo owacho, kendo kik irikni kisingore ni ibiro chiwo ni Nyasaye gimoro.

Tim jo-Lawi 5:1

Ka omi ng’ato okuong’ore mondo ohul gima oseneno kata mosewinjo, to otamore hulo, en bende odoko jaketho, kendo nyaka ochul.

Tim jo-Lawi 6:3

kata kokwanyo gimoro to oriamboe,

Jo-Hibrania 6:16

Pile ji kuong’ore gi nying ng’ama duong’ moloyogi gi duong’, kendo kuong’ruok ema itiekogo weche duto manie kind ji, mondo kiawa moro obed maonge.