Wuok 22:1 - MUMA MALER 2015

¹ “Ka ng’ato okwalo rwath kata rombo, mi oyang’o kata ong’iewo, to nyaka ochul ruedhi abich kar rwadhno, kata rombe ang’wen kar rombono.

Motingʼo Loko Manyien

¹ “Ka ngʼato okwalo rwath kata rombo kendo onege kata ouse, nyaka ochul dhok abich kuom rwath kendo kweth rombe angʼwen kuom rombo.

Wuok 22:1 ပူးပေါင်းရင်းမြစ်များ

2 Samuel 12:6

Onego ochul nyading’wen kar nyarombono, nikech notimo kamano koonge gi chunye.”

Wuok 21:36

To ka ong’ere ni rwadhno jachwow ruedhi wetene, to wuon-go nyaka chul rwath kar rwadhno, to chiayo mothono nodong’ne.

Ngeche 14:4

Kionge gi dhok ma puroni to ok iyud chiemo maber, to ka in gi dhok ma puroni to ibedo gi cham mang’eny.

Ngeche 6:31

Kata kamano, ka ojuke, to nyaka ochul nyadibiriyo. Chutho, nyaka ochul mwandune duto.

Jeremia 2:34

Remb joma odhier, kendo maonge ketho, otonie lepu; gin remb joma ne ok oturo uteu ka kweloe. To kata kamano uwacho niya,

Ezekiel 33:15

kodwoko gik mane oholo, kendo ochulo gik mane osekwalo, mi oluwo chike makelo ngima, kotimo gik makare kendo mabeyo, to enobed mangima.

Kwan 5:7

Nyaka ohul ketho mosetimono, kendo nyaka ochul ng’at mokethoneno gima oromo gi kethono, komedoe achiel kuom abich.

Luka 19:8

Zakayo nochung’, mowacho ni Ruoth Yesu niya, “Ruoth, abiro pogo nus giga ni jochan, kendo kapo ni asemayo ng’ato gire e yo ma ok kare, to abiro chulo nyading’wen.”