Wuok 21:2 - MUMA MALER 2015

² “Ka ng’ato ong’iewo misumba ma ja-Hibrania, to misumbano notine kuom higni auchiel, to e higa mar abiriyo nyaka oweye oa, mak ochulo gimoro.

Motingʼo Loko Manyien

² “Ka ingʼiewo ja-Hibrania ma misumba, to enotini kuom higni auchiel. To e higa mar abiriyo, enobed thuolo, ka ok ochulo gimoro.

Wuok 21:2 ပူးပေါင်းရင်းမြစ်များ

Chakruok 27:28

Nyasaye mondo okelni koth moa e polo, mondo puotheni obed momew kendo iyud cham gi divai mogundho.

Chakruok 27:36

Eka Esau nowacho niya, “Ne onyal chake ni Jakobo, nikech koro osewuonda diriyo, mokwongo nokawo duong’na mar nywol, kendo koro osemaya gueth. To donge ikanonae gueth moro?”

2 Ruodhi 4:1

Chieng’ moro, dhako moro ma chi liel, ma chwore ne achiel kuom oganda jonabi, notero ywak ir Elisha, kawachone niya, “Chwora osetho, kendo ing’eyo kaka ne en ng’at ma oluoro Ruoth Nyasaye. To jabendho osebiro mondo okaw nyithinda ariyo, olok wasumbe.”

Nehemia 5:8

Eka namedo wachonigi niya, “Jo-Yahudi weteu mane jopinje mamoko ong’iewo, wasewaro mwadwoko, kaka wanyalo, to un koro uuso mana joweteu uwegi, to mano biro chunowa mana ni nyaka wawargi kendo!” Ne giling’ ka dhogi omoko.

Wuok 12:44

to wasumbini duto mong’iew nyalo chame mana kuseterogi nyangu.

Wuok 21:3

Kane obiro kapok okendo, to enodog kende. To kane obiro kosekendo, to enodog ir chiege.

Wuok 21:7

“Ka ng’ato ong’iewo nyar ng’ato mondo obed misumbane, to ok nowe nyakono oa kaka iweyo wasumbini machwo.

Tim jo-Lawi 25:54

Ka ng’atno ok owar e kinde modong’ ka pok higa mar mor ochopo, to nyaka weye odhi kaachiel gi nyithinde e higa mar mor,

Mathayo 18:25

To jatichno ne onge gi yo ma dichulgo gopeno, omiyo ruodhe nowacho ni mondo ong’iewe ka misumba, kaachiel gi chiege gi nyithinde kod gige duto, mondo ochulgo gowino.

1 Jo-Korintho 6:20

Ne oseng’iewou, mochulo nengou, omiyo miyeuru duong’ gi ringreu.

Rapar mar Chik 15:1

“Bang’ higni abiriyo ka higni abiriyo nyaka uwe gopeu duto ma ji nigo.

Rapar mar Chik 15:18

“To kapo ni iweyo ni misumba thuolo odhi, to onge gima inyalo ywago, nimar ka dine indiko jatich, to dine ichulo msara nyadiriyo moloyo ting’ mane ikawo kirito misumbano. Kamano Ruoth Nyasaye ma Nyasachu noguedh gik moko duto mitimo.

Rapar mar Chik 31:10

Eka nochikogi kama: “Bang’ higni abiriyo ka higni abiriyo e higa miweyoe gope, e kinde mutimoe Sap Kiche,