Wuok 21:1 - MUMA MALER 2015

¹ “Chike ma nyaka imi jo-Israel e magi:

Motingʼo Loko Manyien

¹ “Magi e chike manyaka iketi e nyimgi.

Wuok 21:1 ပူးပေါင်းရင်းမြစ်များ

1 Ruodhi 6:12

“Kuom wach Hekalu migeroni, ka inirit chikena duto, kendo iluwgi maber, to anachop gima nawacho ni Daudi wuoru kuomi.

2 Weche mag Ndalo 19:10

Kamano ka joweteu modak e mier mamoko okelo wach moro e nyimu, bed ni en wach nek kata wach ketho chik Nyasaye, kata buch piny, kata buch dini, kata chik moro amora, to nyaka upuonjgi ni kik giketh e nyim Ruoth Nyasaye, nimar dokech kodu kaachiel gi joweteugo. Kutimo kamano, ok nubed gi ketho.

Nehemia 10:29

Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

Zaburi 147:19

Onyiso nyikwa Jakobo wachne. Ee, ogolo chikene gi buchene ni jo-Israel.

Wuok 19:7

Omiyo Musa nodhi, mochoko jotend jo-Israel kanyakla, monyisogi weche duto mane Ruoth Nyasaye osewachone.

Ezekiel 20:11

Eka ne amiyogi chikena, kendo apuonjogi buchena, ma ka ng’ato orito, to yudo ngima.

Ezekiel 20:25

Bang’e ne amiyogi buche maricho kod chike ma ok kel ngima.

Tim jo-Lawi 18:26

Un to nyaka urit chikena. Onge ng’ato kuomu ma notim timbe makuerogo, bed ni en ja-Israel kata jadak,

Tim jo-Lawi 18:5

omiyo nyaka urit chikena gi buchena, ma ka ng’ato orito, to yudo ngima. An e Ruoth Nyasaye.

Tim jo-Lawi 19:37

An e Ruoth Nyasaye ma Nyasachu mane ogolou e piny Misri. Nyaka urit chikena kendo uluwgi. An e Ruoth Nyasaye.”

Tim jo-Lawi 20:22

“Nyaka urit chikena gi buchena duto, kendo uluwgi, mi piny ma akelou mondo udagie kik ng’ogu oko.

Malaki 4:4

“Paruru puonj mag Musa jatichna gi chike mane amiye e got Horeb, ni mondo jo-Israel duto oluw.

Kwan 35:24

to oganda nyaka yal wachno e kind janek gi owadgi ng’at monegi, kaluwore gi chikegi eki.

Kwan 36:13

Mago e chike mane Ruoth Nyasaye omiyo Musa onyiso jo-Israel e piny Moab mamwalo e bath aora Jordan kama omanyore gi Jeriko.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Rapar mar Chik 15:12

“Ka ing’iewo ja-Hibrania wadu ma dichwo kata ma dhako mondo obed misumbani, enotini kuom higni auchiel, to e higa mar abiriyo nyaka iweye odhi.

Rapar mar Chik 4:14

To bende e sano Ruoth Nyasaye nochika ni mondo apuonju chike gi buche ma nyaka udhi urit e piny mudhi donjoe mondo ukauw.

Rapar mar Chik 4:45

Gin e chike gi buche mane Musa onyiso jo-Israel kane gisea Misri,

Rapar mar Chik 4:5

Asepuonjou chike gi buche kaka Ruoth Nyasaye ma Nyasacha nochika. Mago duto nyaka urit e piny mudhi donjoe, kendo kawo.

Rapar mar Chik 4:8

Onge oganda moro kata bed ni oduong’ manade, man gi chike kod buche makare machal gi Chik ma aseketo e nyimu tinendeni.

Rapar mar Chik 5:1

Musa noluongo jo-Israel duto mowachonigi niya, “Un jo-Israel winjuru chike kod buche ma awacho kuwinjo kawuononi. Puonjreuru, kendo uritgi maber.

Rapar mar Chik 5:31

to in dong’ koda ka mondo ahulni chike gi buche ma nyaka ipuonjgi girit e piny ma amiyogi mondo gidagie.’

Rapar mar Chik 6:1

“Koro magi e chike kod buche mane Ruoth Nyasaye ma Nyasachu ochika mondo apuonju uriti e piny mubiro donjoe kendo kawo mondo obed maru.

Rapar mar Chik 6:20

“To e ndalo mabiro ka yawuotu nopenju ni, ‘Weche gi buche kod chike mane Ruoth Nyasaye omiyou, tiendgi ang’o?’

1 Jo-Thesalonika 4:1

To koro mogik, owetewa, wan kod gimoro achiel monego wakwau kaka jo-Kristo wetewa. Wakwayou ni mondo ngimau obed moluwore gi puonj mane wamiyou. Ne wanyisou kaka onego uwuothi mondo ubed malong’o ni Nyasaye, kendo adier mano e kaka uwuotho, to kata kamano wajiwou mondo umed timo kamano moloyo.