Wuok 20:8 - MUMA MALER 2015

⁸ “Paruru chieng’ Sabato, kendo uwale ni Ruoth Nyasaye.

Motingʼo Loko Manyien

⁸ Rituru chiengʼ Sabato kendo ukete obed maler.

Wuok 20:8 ပူးပေါင်းရင်းမြစ်များ

Chakruok 2:2

Chieng’ mar auchiel Nyasaye notieko gik moko duto mane otimo, eka noweyo tijene duto mi oyueyo chieng’ mar abiriyo.

Chakruok 2:3

Noguedho chieng’ mar abiriyo, kendo nowale mondo obed maler, nikech chieng’no ema noyueyoe bang’ chueyo gik moko duto.

Nehemia 13:15

E ndalo gogo naneno jomoko e piny Juda mabiyo mzabibu chieng’ Sabato, mondo olosgo divai, kod joma choko divai gi mzabibu gi ng’owo gi gik ohala moko ma giyieyo kuom kenje chieng’ Sabato, kendo gikelo Jerusalem. Mi nakwerogi ni kik gihon chiemo chieng’ Sabato.

Nehemia 9:14

kendo nipuonjogi wach Sabato mari maler. Bende nimiyogi chike mabeyo gi dho Musa jatichni.

Wuok 23:12

“Unuti kuom ndalo auchiel, to chieng’ mar abiriyo kik uti, mondo dhou gi kenjeu oyue, kendo mondo chuny wasumbu kod chuny jodak oduogi.

Wuok 31:12

Ruoth Nyasaye nowacho ni Musa niya,

Wuok 35:1

Musa noluongo jo-Israel duto, mowachonigi niya, “Ruoth Nyasaye osechikou ni mondo uti kama:

Isaya 56:2

Jal matimo kamano mak oweyo, kendo momako wechego ndalo duto, en jahawi. Adier, ng’at morito Sabato mondo kik kethie, bende ma ok tim gimoro marach, en jahawi.

Isaya 58:13

Ka urito chieng’ Sabato maler, ma ok utiyo tijeu uwegi, kendo ka ok utimo gik ma un ema udwaro chieng’no, to uhulo ni chieng’no en chieng’ mor, kendo chiengg’ mowal ni Ruoth Nyasaye, kendo umiyo Ruoth Nyasaye duong’ kuom weyoo loko ohala, kendo kuweyo weche manono,

Jeremia 17:21

Nyisgi ni ka ok gidwar tho, to kik giting’ misike chieng’ Sabato. Bende kik giting’ gimoro ka gikadhogo e dhorangeye mag Jerusalem chieng’no.

Jeremia 17:22

Kata mana ting’o gik moko ka gigolo e utgi kik giting’. Nyaka girit chieng’ Sabato obed maler, kaka ne achiko kweregi, kendo kik giti tich moro chieng’no.

Jeremia 17:24

“Nyisgi ni nyaka giluora gi chunygi duto. Kik giting’ misigo moro amora ka gikadho e dhorangeye mag dalani chieng’ Sabato, to girit chieng’ Sabato obed maler, mak gitiyo tich moro.

Ezekiel 20:20

Nyaka une ni ndalo mag Sabatona orit maler, mondo obed ranyisi mar singruok manie kinda kodu, mondo oparnu ni an Ruoth Nyasaye e Nyasachu.’

Tim jo-Lawi 19:3

Ng’ato ka ng’ato kuomu nyaka luor min gi wuon, kendo nyaka rit Sabato maga. An e Ruoth Nyasaye ma Nyasachu.

Tim jo-Lawi 19:30

Nyaka urit Sabato maga, kendo uluor Kama Ler mara. An e Ruoth Nyasaye.

Tim jo-Lawi 23:3

Unuti tijeu kuom ndalo auchiel, to chieng’ mar abiriyo en chieng’ yueyo moyiedhi. En odiechieng chokruok maler, ma kik utimie tich moro amora, nikech en sabato mar Ruoth Nyasaye kuonde duto mudakie.

Tim jo-Lawi 26:2

Nyaka urit sabatona, kendo uluor Kama Ler mara. An e Ruoth Nyasaye.

Kwan 15:32

E kinde mane jo-Israel ni e thim, ne oyud ng’at moro ka modo yien chieng’ Sabato.

Rapar mar Chik 5:12

“ ‘Rituru chieng’ Sabato kendo uwale ni Ruoth Nyasaye, kaka Ruoth Nyasaye ma Nyasachu nochikou.