Wuok 20:5 - MUMA MALER 2015

⁵ Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Motingʼo Loko Manyien

⁵ Kik ukulrunegi piny; bende kik ulamgi; nimar An, Jehova Nyasaye ma Nyasachu, An Nyasaye ma janyiego, kendo akumo nyithindo nikech richo mar wuonegi chakre tiengʼ mar adek nyaka tiengʼ mar angʼwen mar jogo mamon koda,

Wuok 20:5 ပူးပေါင်းရင်းမြစ်များ

2 Samuel 21:1

E ndalo Daudi ne nitie kech kuom higni adek, omiyo Daudi nopenjo Ruoth Nyasaye wach gimomiyo kejno obiro. Ruoth Nyasaye nodwoke niya, “Ketho ni kuom Saulo kod joodgi, nikech nochuero remb jo-Gibeon.”

2 Samuel 21:6

Miwa yawuote abiriyo mondo waneg e nyim Ruoth Nyasaye Gibea, dala Saulo, ruoth mane Ruoth Nyasaye oyiero.” Daudi noyie, mochiwogi.

1 Ruodhi 19:10

Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

2 Ruodhi 17:35

Ruoth Nyasaye nosetimo kodgi singruok, kawachonigi niya, “Kik ulam nyiseche mamoko, kata kik ukulrunigi. Kim utinigi, kata kik utimnigi misango.

2 Ruodhi 17:41

Kamano ogendinigo ne lamo Ruoth Nyasaye, to gi nyiseche manono bende. Nyithindgi gi nyikwagi ne timo kaka kweregi ne timo, kendo pod gitimo kamano nyaka chil kawuono.

2 Ruodhi 23:26

Kata kamano chuny Ruoth Nyasaye ne ok olendo kuom mirima mager mane okechogo gi jo-Juda nikech timbe maricho mane Manase ochwanyego.

2 Ruodhi 5:18

To ne nitie gimoro achiel ma Ruoth Nyasaye onego wenae; ruodha pod biro donjo e od Rimon nyasache mondo olem kuro, koyiengore e bada. Obiro kulore e od Rimon, kendo an bende abiro kulora kode, to Ruoth Nyasaye mondo owena kuom timo kamano.”

2 Ruodhi 5:27

Omiyo koro dhoho mar Naaman biro maki, kaachiel gi nyikwayi nyaka chieng’” Mi Gehazii noa kanyo kosedoko radhoho, ma dende rachar ka pe.

2 Weche mag Ndalo 25:14

Kane Amazia oa nego jo-Edom, nobiro gi nyiseche jo-Seir, moketogi ka nyisechene, kolamogi kendo owang’onigi ubani.

2 Weche mag Ndalo 7:19

To kulokoru, mi ok umako wechena gi chikena ma naketo e nyimu, mudhi tiyo ni nyiseche ma moko kendo lamogi,

Ayub 21:19

Uwacho ni Nyasaye kumo nyithindo kuom richo wuonegi. Ooyo, Nyasaye mondo okum akuma joricho kendgi, konyisogo ni otimo kamano nikech richo jogo giwegi.

Ayub 5:4

Nyithinde ok nyal yudo konyruok kendo onge ng’ama ochung’ e bura ka chwakogi.

Zaburi 109:14

Onego Nyasaye par richo mag kwerene, kendo tamre weyo ni min mare richone.

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Zaburi 79:8

Kik ikumwa kuom richo mag kwerewa, to koro yie ikechwa piyo, nikech osejwang’wa ni pangla.

Zaburi 81:15

Jogo mamon koda dikulre e nyima ka luoro omako, kendo digiyud kum mochwere.

Wuok 23:24

To kik ukulru ni nyiseche jogo, kata kik ulamgi. Bende kik utim gik ma jogo timo. Nyaka uketh nyisechegi chuth, kendo nyaka umuk sirni maggi ma gilamo.

Wuok 34:14

“Kik ulam nyasaye moro machielo ni mar an Ruoth Nyasaye, nyinga en Nyasaye ma Janyiego, kendo an Nyasaye ma janyiego adier!

Ngeche 8:36

To ng’at ma ok oyuda, hinyore owuon. Chutho, ng’at ma mon koda, ohero mana tho!”

Isaya 44:15

Dir yadhno omoko mach mondo oo, to dire moko ochwakogo chiemo. Moko to olosogo nyasaye molamo kokulorene piny.

Isaya 44:19

Ng’at machal kamano onge gi paro kata rieko ma onyalo penjorego kende niya, “Bath yadhni konchiel ne achwako, mi atedogo makati. Bende asebuloe ring’o mi achamo, to koro ere kaka dalok dire konchiel modong’ bed nyasaye? Koso ere gima omiyo onego akulra piny, kalamo mana osiki motong’ mar yath?”

Jeremia 2:9

“Emomiyo an Ruoth Nyasaye abiro yalo joga kendo. Abiro yalou, kendo abiro yalo nyikwau.

Jeremia 32:18

Isenyiso herani mosiko ni ji gana gi gana, to bende ikumo ji nikech richo mag wuonegi. In Nyasaye maduong’ man gi teko, kendo nyingi en Ruoth Nyasaye Manyalo Gik Moko Duto.

Ezekiel 18:19

“To kamoro unyalo penjo niya, ‘Ere gima omiyo wuowi ok yud kum nikech richo mag wuon mare?’ To an adwoko kama: ‘Wuowi notimo gik makare kendo malong’o. Ne orito chikena, koluwogi maber, omiyo obiro bedo mangima adier.

Ezekiel 18:2

kapenja niya, “Bende iwinjoe ngero ma ji osiko ka goyo e piny Israel, niya, ‘Wuone osechamo olemo manumu, to nyithindo ema lekegi tho’?

Ezekiel 20:7

Ne awachonigi ni mondo giwit nyiseche manono mag Misri ma gihero, kendo ni kik gidwanyre kodgi, nikech an e Ruoth Nyasaye ma Nyasachgi.

Ezekiel 39:25

Ruoth Nyasaye nochako owacho niya, “Koro abiro kecho jo-Israel ma nyikwa Jakobo, mi ami gichak gidhi nyime maber, kendo ok nayie nyinga maler kethre.

Ezekiel 8:3

Ne orieyo gima chalo gi lwedo, mi omaka gi yie wiya. E fwenyno. Roho noting’a malo e kor polo, mi otera Jerusalem, moketa piny e dhoranga laru maiye mar Hekalu mochomo yo nyandwat, kuma nitie nyasaye manono ma Nyasaye mon-go.

Daniel 1:2

Ruoth Nyasaye nochiwo Jehoyakim e lwet Nebukadnezar, kaachiel gi gik lemo moko mane pod odong’ ei Hekalu, Jerusalem. Ruoth Nebukadnezar nokawogi, moterogi Babulon ei hekalu mar nyisechene, mi okano gik Hekalu mane oyakogo e od kenone.

Daniel 3:18

To kata ka ok oresowa, to onego ing’e malong’o ruoth ni ok wanyal lamo nyasachi, bende ok wanyal kulore piny ni kido mar dhahabu ma isechungo.”

Tim jo-Lawi 20:5

to an awuon nabed jasik ng’atno, kaachiel gi dhoodgi duto. Anang’ad kargi oko kuom ogandagi, kaachiel gi jogo duto maluwe kendo madwanyore ka lamo Molek.

Tim jo-Lawi 26:1

“Kik ulos kido mar nyasaye manono, kendo kik uchung kido mopa kata siro milamo. Kidi moro amora mopa kik bed e pinyu mukulorune kulamo, nikech an e Ruoth Nyasaye ma Nyasachu.

Tim jo-Lawi 26:29

Kar chamo ring’o, to unucham mana yawuotu gi nyiu.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Kwan 14:18

‘Ruoth Nyasaye ok kech piyo, kendo onyiso herane mosiko, koweyo ni ji kethogi gi richogi, to kata kamano ok okwan jaketho ka ng’ama ler, to okumo nyithindo nyaka tieng’ mar adek kod mar ang’wen nikech richo kweregi.’

Kwan 14:33

Nyithindu biro digni e thim kuom higni piero ang’wen, nyaka ng’atu mogik tho kuno, ka gichulogo richo mane utimo kuom weya.

Kwan 25:11

“Finehas wuod Eleazar ma wuod Harun jadolo osemiyo mirima mane an go gi jo-Israel orumo, nikech mirima mosemake kodgi chal gi mara. Mano emomiyo kata obedo ni ne an gi nyiego kod jo-Israel nikech aherogi ahinya, to ne ok atiekogi.

Mathayo 4:9

Nowachone niya, “Magi duto abiro miyi, ka igoyo chongi piny, milama.”

Johana 15:18

“Ka piny mon kodu, to nyaka ung’e ni nomon koda chon, kane pok omon kodu.

Johana 7:7

Un piny ok nyal mon kodu to an omon koda nikech kinde duto asiko kanyise ni timbene richo.

Johana 9:2

Jopuonjrene nopenje ni, “Japuonj, ng’atni nonywol muofu nikech richone owuon koso nikech richo mag jonywolne?”

Jo-Rumi 1:30

gi johang wach, bende gin joma Nyasaye oweyo, kendo ma ochayo Nyasaye. Gin jokwinyo, gi joma wigi tek kod joma wuorore. Pile gifwenyo yore manyien mag timo richo, kendo gin joma ok winj jonywol.

Jo-Rumi 8:7

Ng’at ma paro mana weche mag dhano mon gi Nyasaye, nikech ok orito Chik Nyasaye. Adier, ok onyal rite.

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?

Rapar mar Chik 32:21

Gisemiyo nyiego omaka, nikech giselamo gikma ok nyasaye. Adier gisewang’o iya, nikech giselamo gima nono. Omiyo abiro miyo nyiego makgi ka ayiero oganda ma nono oloyo, kendo abiro wang’o igi, ka ayiero oganda ma ok dew Nyasaye.

Rapar mar Chik 32:41

kasepiago ligangla mamil, to anachul kuor ni wasika, kendo kasechako ng’ado bura, to anakum jogo mochaya.

Rapar mar Chik 4:24

nimar Ruoth Nyasaye ma Nyasachu en mach matieko gik mowang’o, kendo en Nyasaye ma janyiego.

Rapar mar Chik 5:10

to tienge gana gi gana mohera kendo momako chikena, ahero gi hera mosiko.

Rapar mar Chik 5:9

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Rapar mar Chik 6:15

nikech kuluwogi, to Ruoth Nyasaye modak e dieru biro kecho kodu ahinya mi dotieku e wang’ piny, nimar Ruoth Nyasaye ma Nyasachu en Nyasaye ma janyiego.

Rapar mar Chik 7:10

To jogo mochaye kendo ma ok ohere, otieko chuth piyopiyo ma ok odeko.

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

Joshua 23:16

To ka ok urito singruok ma nomiyou, mi ulamo nyiseche mamoko, to enokech kodu, mi karu nolal nono piyopiyo e piny maber mosemiyouni.”

Joshua 23:7

Kik utim osiep gi joma odong’ e kindugo, bende kik uluong nying nyisechegi kata kuong’oru gi nyinggi, kata lamogi.

Joshua 24:19

Joshua nowachonigi niya, “Ok dunyal tiyo ni Ruoth Nyasaye, nimar en Nyasaye maler, kendo ma janyiego, ma ok nowenu richou kod timbeu mamono.

Jong’ad Bura 2:19

To pile kane jatelo ma kamano osetho, ne gidok e timbe maricho moloyo mane kweregi timo, kendo ne giluwo nyiseche mamoko, ka gitiyonigi kendo gilamogi. Ne ok giweyo timbegi maricho, kata yoregi mag wich teko.