Wuok 20:24 - MUMA MALER 2015

²⁴ Nyaka ulosna kendo-mar-misango mar lowo, kendo utimie misengni miwang’o pep, kod misengni mag sawo, mutimo gi rombu kod dhou. Kamoro amora ma achiko ni mondo ulamae, to anabie kendo naguedhue.

Motingʼo Loko Manyien

²⁴ “ ‘Losnauru kendo mar misango mochwe gi lowo kendo timieuru misenginiu miwangʼo pep kod mag lalruok gi rombeu gi dieu kod dhou. Kinde moro amora ma amiyo nyinga oyudo duongʼ, to anabi iru mi agwedhu.

Wuok 20:24 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

2 Samuel 6:12

Nonyis ruoth Daudi wach niya, “Ruoth Nyasaye oseguedho od Obed-edom kod gige duto nikech Sanduk mar Nyasaye ni kuno.” Omiyo Daudi nodhi moomo Sanduk mar Nyasaye e od Obed-edom, kendo nokele dalane gi mor.

1 Ruodhi 8:29

Odiechieng’ gotieno mondo irang ot misewacho ni nyingi nobedieni, kendo iwinj lemo ma anakwa ka eri.

1 Ruodhi 8:43

to yie mondo iwinj e polo kama idakie, kendo itim duto ma ng’at ma wendono okwayi. Kamano ji duto mae piny mondo ong’e nyingi, kendo oluori, mana kaka jogi Israel oluori, kendo mondo ging’e ni Hekalu ma asegeronini en mari adier.

1 Ruodhi 9:3

Nowachone niya, “Asewinjo lemoni kod kwayoni, mi asegwedho Hekalu misegeronani. Aketo nyinga kanyo mochwere, kendo wengena kod chunya nobedie nyaka chieng’.

2 Ruodhi 5:17

Eka Naaman nowachone niya, “Kidagi ni kik amiyi gimoro, to akwayi ni mondo imiya lowo ma dirom kenje ariyo ting’o, nikech chakre kawuono ok abi timo misango ni Nyasaye moro amora, to mak mana ni Ruoth Nyasaye.

2 Weche mag Ndalo 12:13

Ruoth Rehoboam norito piny kodak Jerusalem, kendo lochne nomedo gurore. Ne en jahigni piero ang’wen gachiel kane odoko ruoth, kendo norito piny kuom higni apar gabiriyo, kodak Jerusalem, dala mane Ruoth Nyasaye oyiero kuom dhout Israel duto mondo nyinge obedie. Min mare ne nyinge Naama, nyar Amon.

2 Weche mag Ndalo 6:6

kendo ne ok ayiero ng’at moro obed jatend joga Israel, mak mana Daudi.’

2 Weche mag Ndalo 7:16

Aseyiero Hekaluni, kendo asewale obed maler, mondo nyinga obedie, kendo arange gi chunya duto nyaka chieng’.

Ezra 6:12

Nyasaye moseyiero Jerusalem, mondo nyinge obedie, oriemb ruoth moro amora kata oganda maparo ketho wachni, kata maparo muko Od Nyasaye man Jerusalem. An Darius asegolo chik, kendo nyaka time mak orem.”

Nehemia 1:9

To kuduogo ira, mi urito chikna, to anachoku, kendo anadwoku e dala miseyiero mondo nyinga obedie, kata obedo ni uke muchopo e tung’ piny gi tung’ piny.’

Zaburi 101:2

Abiro keto chunya mondo atim tim makare. To ibiro biro ira karang’o? Abiro bedo gi ngima modimbore e oda.

Zaburi 122:2

Koro eri wachung’ e dhorangeyen, yaye Jerusalem.

Zaburi 128:5

Onego Ruoth Nyasaye guedhi gie Sayun, e kinde duto mag ngimani.

Zaburi 134:3

Onego Ruoth Nyasaye ma jachuech polo gi piny guedhu gi e Sayun.

Zaburi 74:7

Bende ne giwang’o Hekalu mari gi mach, mi gidwanyo kama ilamie. Adier, ne gikethe chuth!

Zaburi 76:2

Jerusalem e dalane. Ee, odak e got Sayun.

Zaburi 78:68

To ne oyiero mana joka Juda, kod got Sayun ma ohero.

Wuok 10:25

Musa nodwoke niya, “To ing’eyo ni in ema nyaka imiwa jamni mwatimogo ni Ruoth Nyasaye ma Nyasachwa misengni miwang’o pep kod misengni mamoko.

Wuok 18:12

Bang’e Jethro notimo ni Nyasaye misango miwang’o pep, kod misengni mamoko. Harun gi jodong Isarel duto ne jobiro mochamo sawono gi Jethro e nyim Nyasaye.

Wuok 20:25

Kapo ni uloso na kendo-mar-misango gi kite, to kik ugere gi kite mopa, nikech kupayogi, to umiyo kendono bedo mogak.

Wuok 24:4

Musa nondiko chike duto mag Ruoth Nyasaye. To kinyne gokinyi nogero kendo-mar-misango e tiend got, kendo nochungo kite apar gariyo mag rapar, maromre gi kar romb dhout Israel apar gariyo.

Wuok 24:5

Eka nooro yawuowi moko ma jo-Israel monego ruedhi, mi gitimogo ni Ruoth Nyasaye misengni miwang’o pep, kod misengni mag sawo.

Wuok 27:1

“Los kendo-mar-misango gi yiend shita. Borne gi lachne mondo obed mita ariyo gi nus.

Isaya 64:5

Ihero ng’at matimo tim makare ka mor, kendo ma paro yoreni. Kata kane ikecho kamano, to wan ne pod watimo richo atima. Wasesiko gi richowa ndalo mang’eny. Koro bende niwarwa adier?

Tim jo-Lawi 17:9

to ok okelo e dho Hemb Romo mondo otimnigo Ruoth Nyasaye misango, nong’ad kare oko kuom ogandagi.

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Mathayo 18:20

nimar kama ji adek kata ji ariyo ochokoree e nyinga, to kanyo an bende antie kodgi.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Rapar mar Chik 12:21

To ka obedo ni kama Ruoth Nyasaye ma Nyasachu biro yiero mondo nyinge obedie bor kod ng’atno, to onyalo nego chiache moro ma Ruoth Nyasaye omiye, kendo onyalo chame e dalane sa asaya modwaro.

Rapar mar Chik 12:5

Ruoth Nyasaye ma Nyasachu owuon biro yiero kamoro e piny dhoodu moro mondo oketie nyinge. Kanyo kende ema unuchokrue kuom lamo Ruoth Nyasaye ma Nyasachu.

Rapar mar Chik 14:23

Chamgiuru e nyim Ruoth Nyasaye ma Nyasachu kama obiro yiero mondo nyinge obedie. Kamano ubiro puonjoru luoro Ruoth Nyasaye ma Nyasachu ndalo duto.

Rapar mar Chik 16:11

Un kaachiel gi yawuotu kod nyiu, gi wasumbu machwo kod mamon, gi jo-Lawi modak e miechu gi jopinje mamoko gi nyithindo ma kiye kod mond liete modak kodu, nubed mamor e nyim Ruoth Nyasaye ma Nyasachu, kama obiro yiero mondo nyinge obedie.

Rapar mar Chik 26:2

to nyaka ng’ato ka ng’ato kaw gik moko duto mokwongo nyak e pinyno, kendo ket e atonga, mi dhigo kama Ruoth Nyasaye ma Nyasachu biro yiero mondo nyinge obedie.

Rapar mar Chik 7:13

Enoheru kendo enogwedhu, mi enomi unya mathoth. Enoguedhu gi nyithindo mang’eny kod gik manyak e pwotheu, kaka ngano gi divai kod mo, kendo enoguedhu gi jamni mang’eny e piny ma nosingore ni kwereu ni nomiu.

1 Timotheo 2:8

Emomiyo adwaro ni mondo kamoro amora ma ji ochokoree e lemo, to chwo ema mondo olem. To nyaka gibed joma ler, manyalo ting’o luetgi malo kaonge gi mirima kata mbaka moro e chunygi.