Wuok 20:2 - MUMA MALER 2015

² “An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Motingʼo Loko Manyien

² “An e Jehova Nyasaye ma Nyasachu mane ogolou e piny Misri, ka uwuok e piny mane unie wasumbini.

Wuok 20:2 ပူးပေါင်းရင်းမြစ်များ

1 Ruodhi 18:39

Kane ji duto oneno gima otimore, ne gipodho piny auma, ka giwacho niya, “Ruoth Nyasaye e Nyasaye! Adier, Ruoth Nyasaye e Nyasaye!”

2 Ruodhi 17:12

Ne gilamo nyiseche manono mane Ruoth Nyasaye okwerogi ni kik gilam.

2 Ruodhi 17:7

Mano notimore nikech timbe jo-Israel ne ok long’o e nyim Ruoth Nyasaye mane ogologi e piny Misri e bwo loch Farao.

2 Weche mag Ndalo 28:5

Emomiyo Ruoth Nyasaye ma Nyasache ne ochiwe e lwet ruodh Aram, mi oloye, kendo omako joge mang’eny, motero Damaski. Bang’e Ruoth Nyasaye nochiwe e lwet ruodh Israel ma bende noloye, monego joge oyokre.

Zaburi 50:7

Un joga, chikuru itu mondo awuonu. Abiro hulo gik maricho ma un jo-Israel usetimo.

Zaburi 81:10

An e Ruoth Nyasaye ma Nyasachu mane ogolou e piny Misri. Ng’amuru dhou malach mondo apidhu.

Zaburi 81:11

To joga ne ok nyal winjo wachna. Adier, jo-Israel ne odagi mako chikna.

Zaburi 81:7

Kane un e thagruok, to ne uluonga, mi akonyou. Ne adwokou gie boche polo mapondoe, kendo ne amiyou tem e sokni mag Meriba.

Wuok 13:14

Ka chieng’ moro yawuotu penjou ni, ‘Ere tiend gima utimoni?’ To nyaka uduokgi niya, ‘Ruoth Nyasaye nogolowa gi tekone maduong’ e piny Misri, kuma ne wabedoe wasumbini.

Wuok 13:3

Musa nowacho ni jo-Israel niya, “Nyaka upar odiechieng’ ma uwuokie Misrini, nikech Ruoth Nyasaye ogolou gi tekone maduong’ e piny mane ubedoe wasumbini. Makati moketie thowi ok onego cham kawuono,

Wuok 15:13

Kuom herani mosiko isetelo ni joma niwaro. Kuom tekoni maduong’ isetelonigi nyaka kar dakni maler.

Wuok 15:16

Luoro gi kihondko omakogi, mi gichung’ achung’a ka siro, nikech duong’ mar tekoni. A Ruoth Nyasaye, gichung’ kamano, nyaka joma iloko jogi kadhi.

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Wuok 20:1

Nyasaye nowuoyo kowacho wechegi:

Wuok 29:46

kendo dakna kodgino nomi ging’e ni an e Ruoth Nyasaye ma Nyasachgi ma nogologi Misri. Adier, an Ruoth Nyasaye an Nyasachgi.

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Isaya 43:3

nimar an Ruoth Nyasaye ma Nyasachu, ma Ng’ama Ler mar Israel, kendo ma jaresu. Achiwo Misri gi Ethiopia kod Seba mondo awarugo.

Jeremia 16:14

To ndalo biro ma onge ng’ama nokuong’re gi nyinga ka Nyasaye mangima mane ogolo jo-Israel e piny Misri.

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Jeremia 31:1

Ruoth Nyasaye wacho niya, “Ndalo biro ma anabedie Nyasach dhout Israel duto, kendo ginibed joga.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Jeremia 34:13

ma Nyasach Israel nowachoe ni Jeremia niya, “Ne atimo singruok gi kwereni kane aresogi mi agologi Misri e tich wasumbni. Ne awachonigi niya,

Ezekiel 20:19

An Ruoth Nyasaye e Nyasachu, omiyo rituru buchena kod chikena.

Ezekiel 20:5

Nyisgi ni an Ruoth Nyasaye awacho ni, kane ayiero jo-Israel, ne afwenyoranigi e piny Misri, mi akuong’ora ni an Ruoth Nyasaye ma Nyasachgi.

Ezekiel 20:7

Ne awachonigi ni mondo giwit nyiseche manono mag Misri ma gihero, kendo ni kik gidwanyre kodgi, nikech an e Ruoth Nyasaye ma Nyasachgi.

Hosea 12:10

Ne awuoyo gi jonabi, mi amiyogi fweny mang’eny, to koro abiro kelo masira gi lwet jonabi!

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Tim jo-Lawi 11:45

An e Ruoth Nyasaye mane ogolou e piny Misri mondo ubed Nyasachu. Omiyo nyaka obed maler nikech aler.

Tim jo-Lawi 19:36

To nyaka ubed gi rapim makare mipimogo gik moko.

Tim jo-Lawi 23:43

Mondo omi nyikwau opar kaka namiyo jo-Israel odak e kiche ka ne agologi e piny Misri. An e Ruoth Nyasaye ma Nyasachu.”

Tim jo-Lawi 25:38

An e Ruoth Nyasaye ma Nyasachu mane ogolou e piny Misri mondo omiu piny Kanaan, kendo mondo obed Nyasachu.

Tim jo-Lawi 25:42

Jo-Israel gin wasumbni maga mane agolo e piny Misri, emomiyo ok onego ng’iewgi kaka ing’iewo wasumbni.

Tim jo-Lawi 25:55

nikech jo-Israel gin wasumbini maga. Gin maga ma nagolo e piny Misri. An e Ruoth Nyasaye ma Nyasachu.

Tim jo-Lawi 26:1

“Kik ulos kido mar nyasaye manono, kendo kik uchung kido mopa kata siro milamo. Kidi moro amora mopa kik bed e pinyu mukulorune kulamo, nikech an e Ruoth Nyasaye ma Nyasachu.

Tim jo-Lawi 26:13

An e Ruoth Nyasaye ma Nyasachu ma nogolou e piny Misri mondo uwe bedo wasumb jo-Misri. Aseturo lodi ma ne otuenu, mi omiyo koro uwuotho tir.

Amos 2:10

Ruoth Nyasaye nochako owacho niya, “An ema nagolou e piny Misri, mi atelonu e thim kuom higni piero ang’wen, kendo namiyou piny jo-Amor mondo obed maru.

Jo-Rumi 10:12

Mano oriwo ji duto nikech onge pogruok e kind jo-Yahudi gi joma ok jo-Yahudi, to giduto gin gi Ruoth achiel man gi mwandu mang’eny mopogo ni ji duto malame.

Jo-Rumi 3:29

Uparo ni Nyasaye en mana Nyasach jo-Yahudi kende koso? Donge en Nyasach joma ok jo-Yahudi bende? Adier en Nyasach joma ok jo-Yahudi bende.

Rapar mar Chik 13:10

Unugoye gi kite nyaka otho, nimar notemo hoyou mondo uwe Ruoth Nyasaye ma Nyasachu mane ogolou Misri kuma nubedoe wasumbni.

Rapar mar Chik 15:15

Paruru ni ne un wasumbni e piny Misri, to Ruoth Nyasaye ma Nyasachu noresou. Mano emomiyo amiyou chikni.

Rapar mar Chik 20:1

“Kudhi kedo gi wasiku, muneno ogandagi ka duong’ moloyo maru, kendo nigi farese kod geche lweny, to kik uluorgi, nimar Ruoth Nyasaye ma Nyasachu ma nogolou Misri ni kodu.

Rapar mar Chik 5:15

Paruru malong’o ni un uwegi ne un wasumbni e piny Misri, to Ruoth Nyasaye ma Nyasachu nogolou kuno gi teko mathoth kod bat morie. Mano emomiyo Ruoth Nyasaye ma Nyasachu nochikou ni mondo urit Sabato.

Rapar mar Chik 5:6

“ ‘An e Ruoth Nyasaye ma Nyasachu ma nogolou e piny Misri kuma ne ubedoe wasumbini.

Rapar mar Chik 7:8

Noyierou mana nikech noherou, kendo nikech norito singruok mane otimo ni kwereu. Mano emomiyo nogolou gi tekone maduong’ e piny mane unie wasumbini, moresou e lwet Farao ruodh Misri.

Jong’ad Bura 2:1

Malaika mar Ruoth Nyasaye noa Gilgal, modhi Bokim. Nowacho ni jo-Israel niya, “Ne agolou e piny Misri, mi akelou e piny mane asingora ni nami kwereu. Ne awacho ni ok naketh singruokna kodu.

Jong’ad Bura 6:10

Nawachonu ni an e Ruoth Nyasaye ma Nyasachu, kendo ni kik ulam nyiseche jo-Amor ma koro udak e pinygi. To ne ok uwinjo wachna.’ ”