Wuok 20:18 - MUMA MALER 2015

¹⁸ Kane ji duto oneno ka polo mor kendo mil, bende kane giwinjo ka tung’ ywak, kendo gineno ka got dum iro, ne gikirni, mi gichung’ gi chien.

Motingʼo Loko Manyien

¹⁸ Kane oganda oneno mil polo gi mor polo kendo owinjo ywak turumbete mi gineno ka got otimo iro, luoro nomakogi. Negisudo gichien

Wuok 20:18 ပူးပေါင်းရင်းမြစ်များ

Chakruok 15:17

Kane chieng’ osepodho kendo piny olil, tak mach nodum iro, kod chuk mach maliel nothinyore, mokadho e kind sirunde kande.

Chakruok 3:10

Adam nodwoke niya, “Aye awinjo kiwuotho e puodho, to luoro nomaka, mi apondo, nikech an duk.”

Zaburi 81:7

Kane un e thagruok, to ne uluonga, mi akonyou. Ne adwokou gie boche polo mapondoe, kendo ne amiyou tem e sokni mag Meriba.

Jeremia 23:23

“An, an Nyasaye man kuonde duto, to ok man kanyachiel kende.

Rapar mar Chik 18:16

Mano e gima nukwayo Ruoth Nyasaye ma Nyasachu chieng’ mane uchokore Horeb, kuwacho niya, ‘Owinjore kik wachak wawinj dwond Ruoth Nyasaye ma Nyasachwa, bende ok onego wachak wane mach maduong’ kama kendo, nono to wabiro tho.’

Rapar mar Chik 4:36

Ne oyienu winjo dwonde gie polo mondo opuonjugo, bende noyienu neno maye malich e piny, kendo nuwinjo wechene kawuok ei majno.

Rapar mar Chik 5:23

Kane uwinjo dwol ka wuok e mudho, to got wang’, jotend dhoutu gi jodongu nobiro ira,

Rapar mar Chik 5:25

To kata kamano, kik wawit ngimawa, nimar mach malich cha nyalo mana wang’owa, mi tiekwa. Kwachako wawinjo dwond Ruoth Nyasaye ma Nyasachwa kendo, to wabiro tho,

Rapar mar Chik 5:27

In ema inyalo sudo machiegni mondo iwinj weche duto ma Ruoth Nyasaye ma Nyasachwa dhi wacho. Bang’e iduog iwachnwa gigo duto mowachoni, eka wanawinjgi, kendo wanamakgi.’

Rapar mar Chik 5:5

Chutho an nachung’ e kindu gi Ruoth Nyasaye e sechego, mondo eka akownu weche Ruoth Nyasaye nikech nuluoro mach, mi ne ok uidho godno. “Ruoth Nyasaye nowacho niya,