Wuok 20:16 - MUMA MALER 2015

¹⁶ “Kik ihang ni ng’ato wach.

Motingʼo Loko Manyien

¹⁶ Kik ihang wach ne wadu.

Wuok 20:16 ပူးပေါင်းရင်းမြစ်များ

Zaburi 15:3

Onego obed ng’at ma ok keth nying ng’ato, kendo ma ok tim marach ni osiepene, bende ma ok kuodh jowadgi,

Wuok 23:1

“Kik ijig wach, kendo kik ikony ng’at ma jaketho, kibedo janeno mar miriambo.

Ngeche 10:18

Ng’at mapando sigu manie chunye en jamriambo, kendo jafuong’ wach en ng’at mofuwo.

Ngeche 11:13

Ng’at ma jafuong’ wach ok hulne weche maling’ling’. Ng’at ma odimbore to kano wach e chunye.

Ngeche 19:5

Janeno ma jamriambo ok nyal tony mak okum. Adier, ng’at ma wacho miriambo lilo ok tony.

Ngeche 25:18

Ng’at ma riambo kuom wadgi chalo mana gi arungu kata ligangla kata asere mabith.

Tim jo-Lawi 19:11

“Kik ikwel, kata kik iwuond wadu kata kik imaye e yor wuond.

Tim jo-Lawi 19:16

Kik iwuoth koni gi koni kiketho nying jou, kata kik ihangne wadu wach kodonjne e buch nek. An e Ruoth Nyasaye.

Tim jo-Lawi 19:18

Kik ichul kuor kata kik ibed mamon gi jowadu, to nyaka iher wadu kaka iherori iwuon. An e Ruoth Nyasaye.

Mathayo 19:18

To wuowino nomedo penje ni, “Gin chike mage monego ariti?” Yesu nodwoke niya, “Kik ineki, kik iterri, kik ikwal, kik ihang wach,

Luka 3:14

Askeche moko bende ne openje ni, “Wanto, ere gima onego watim?” Ne odwokogi niya, “Kik uma ng’ato pesane gi thwon, kata kujigone wach, to pok muyudo ema mondo oromu.”

Tich Joote 6:13

Eka ne gikelo jomoko mondo ohangne wach ni, “Jali pile yanyo Hekalu marwa maler, kod Chik Musa.

Jo-Efeso 4:31

Kuom mano, weuru kecho, gi mirima, gi ichwang’, gi dhaw, gi ayany, kod himruok duto.

Rapar mar Chik 5:20

“ ‘Kik ihang ni ng’ato wach.

1 Timotheo 1:10

Okete bende ni joma terore, kendo ni chwo materore gi chwo wetegi, kendo ni joma kwalo ji, gi jomriambo, gi joma kuong’ore gi miriasia. Chutho Chik oketi ni ng’ato ang’ata matimo gimoro amora makedo gi puonj maradier.

2 Timotheo 3:3

Ginibed joma ok ohero jowetegi, kendo mamako sadha. Bende ginibed joma jokuoth kendo joma oowore, kendo jomahundu, kendo joma ok ohero gik mabeyo.

Jakobo 4:11

Owetena, ng’ato ka ng’ato kik wuo marach kuom wadgi. Ng’at mawuoyo marach kuom wadgi, kata mang’adone bura, to wuoyo marach mana kuom Chik, kendo ng’ado ni Chik bura. Ka ing’ado ni Chik bura, to itimori ng’at ma ng’ado bura, kar bedo ng’at ma rito Chik.