Wuok 20:13 - MUMA MALER 2015

¹³ “Kik ineki.

Motingʼo Loko Manyien

¹³ Kik ineki.

Wuok 20:13 ပူးပေါင်းရင်းမြစ်များ

2 Ruodhi 21:16

To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

2 Weche mag Ndalo 24:22

Kamano wi ruoth Joash nowil gi ng’wono mane Jehoyada otimone, konego Zekaria wuod Jehoyada ma notho kaywak niya, “Ruoth Nyasaye mondo one, kendo ochul kuor.”

Wuok 21:12

“Ngato ka ng’ato mogoyo wadgi monego, en bende nonege.

Wuok 21:14

To ka ng’ato okiyo wadgi, monego maroyiem, to unugole kata mana e kendona mar misango mondo onege.

Wuok 21:20

“Ka ng’ato ogoyo misumbane ma dichwo kata madhako gi luth motho e wago, to nyaka kume.

Wuok 21:29

To ka rwadhno osebedo ka chwowo ji, kendo osesiem wuon-go, to otamore tueye, mi onego ng’ato, to wuon-go bende nyaka negi.

Wuok 23:7

Beduru mabor gi wach mar miriambo, kendo kik umi ng’at maonge ketho ng’adne buch tho, nimar ok nawe ng’at motimo marach machalo kamano.

Ngeche 1:11

Ginyalo wacho niya, “Bi mondo wabut ni ng’ato, wanegi, kendo wamonj joma onge ketho kayiem nono,

Ngeche 1:18

Kamano e kaka joricho chiko obadho ni gin giwegi kendo gin ema gimokoe.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Jeremia 26:15

To nyaka ung’e ni ka unega, to un gi ji duto modak e dalani unubed joketho kuom nego ng’at ma onge ketho, nimar Ruoth Nyasaye ema oseora mondo anyisu wechego duto.”

Tim jo-Lawi 24:17

“Ka ng’ato ogoyo wadgi monego, to en bende nyaka nege.

Tim jo-Lawi 24:21

“Ng’at mogoyo chiayo monego, nyaka chul chiayo,

Mathayo 19:18

To wuowino nomedo penje ni, “Gin chike mage monego ariti?” Yesu nodwoke niya, “Kik ineki, kik iterri, kik ikwal, kik ihang wach,

Mariko 10:19

Donge ing’eyo chike mawacho ni, ‘Kik ineki, kik iterri, kik ikwal, kik ihang wach, kik imechi e yor wuond, kendo ni, luor wuoru gi meru’?”

Luka 18:20

Donge ing’eyo chike, mawacho ni, ‘Kik iterri, kik ineki, kik ikwal, kik ihang wach,’ kendo ni ‘Luor wuoru gi meru’?”

Tich Joote 16:28

To Paulo nokok matek ni, “Kik iketh dendi! Wantie waduto!”

Tich Joote 28:4

Kane joma odak e chulano oneno ka thuol omoko e lwet Paulo kamano, ne giwacho niya, “Nyaka bed ni jali osenego ng’ato, to kata obedo ni osetony mak otho e nam kamano, to Nyasachwa makare ok noweye okwo!”

Jo-Rumi 13:9

Chikego e magi: Kik iterri, kik ineki, kik ikwal, kendo kik igombi. Chikego kaachiel gi chike mamoko duto, oriw e wach achiel niya, “Her wadu kaka iherori iwuon.”

Jo-Galatia 5:21

gombo, mer, dwanyruok, kod gik moko machal kamago. To asiemou, kaka nasiemou chon ni, joma timo gik ma kamago ok noyud gueth mar Loch Nyasaye.

Rapar mar Chik 5:17

“ ‘Kik ineki.

1 Timotheo 1:9

ka ging’eyo ni Chik ok oketi ni joma beyo, to okete ni joma ketho chik maroyiem, gi joma ok oluoro Nyasaye, kod joma onjawni. Bende okete ni jonek wuonegi kata minegi kata mana jomoko nono.

Jakobo 2:11

nikech Jal mane owacho ni, “Kik iterri”, e Jal mane owacho bende ni, “Kik ineki.” Kata da bed ni ok iterori, to ineko, to iseketho Chik.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.