Wuok 20:12 - MUMA MALER 2015

¹² “Luor wuoru gi meru, eka mondo idag aming’a e piny ma Ruoth Nyasaye ma Nyasachu biro miyou.

Motingʼo Loko Manyien

¹² Luor wuonu gi minu mondo udagi amingʼa e piny ma Jehova Nyasaye ma Nyasachu miyou.

Wuok 20:12 ပူးပေါင်းရင်းမြစ်များ

Chakruok 48:12

Eka Josef nogolo nyithindogo e chong Israel, kendo nogoyo chonge piny, mokulore nyaka e lowo.

Chakruok 50:12

Kamano yawuot Jakobo notimo gima wuon-gi nochikogi.

1 Ruodhi 2:19

Omiyo Bathsheba nodhi ir ruoth Solomon mondo okwaye gima Adonija dwaro. Ruoth nochung’ ka dhi romo ni min, mokulorene. Eka nobet e kom duong’ne, kendo nochiko jotich mondo okel kom ni min mare, mondo obed e bade korachwich.

2 Ruodhi 2:12

Elisha noneno gima notimore, mokok niya, “Wuora, wuora, aneno geche Israel kod joidh faresene!” Kamano Elija nolal e wang’e. Eka Elisha noyiecho lepe owuon kidienje ariyo.

Wuok 21:15

“Ng’at mogoyo wuon kata min nyaka negi.

Wuok 21:17

“Ng’at mokuong’o wuon kata min nyaka negi.

Ngeche 15:5

Ng’at mofuwo ochayo puonj wuon mare, to ng’at mariek winjo kikwere gimoro.

Ngeche 17:6

Jodongo mor gi nyikwagi, mana kaka yawuowi mor gi wuonegi.

Ngeche 20:20

Ka ng’ato okuong’o wuon kata min, to ngimane norum mana ka taya motho e mudho mandiwa.

Ngeche 28:24

Ng’at ma kwalo mwandu wuon gi min, to paro ni mano ok rach, chalo mana janek.

Ngeche 3:16

Rieko miyi idak aming’a, bende okeloni mwandu kod luor.

Ngeche 30:11

Nitie ji ma kuong’o wuonegi, kendo ma ok mi minegi luor.

Ngeche 30:17

Ng’at manyiero wuon, kata machayo min mare ka oti, onego achuth cham, kata onego agak lodh wengene!

Jeremia 35:18

Bang’e Jeremia nowacho ni joka Rekab ni Ruoth Nyasaye ma Nyasach Israel osewacho niya, “Userito chik mane kwaru Jonadab omiyou, kutimo gik moko duto mane ochikou.

Jeremia 35:7

Bende nokwerowa ni kik wager udi kata kik wapur puothe, kendo ni kik wapidh yiend mzabibu kata kik wabed gi gik makamago. Nochikowa mana ni mondo wadag mana e hembe kuom ngimawa duto, ni eka wanadag aming’a e piny ma wanie weloni.

Ezekiel 22:7

Onge kata ng’at achiel e dala mamiyo wuon gi min luor. Uwuondo jopinje mamoko, kendo usando mond liete gi nyithi kiye.

Tim jo-Lawi 19:3

Ng’ato ka ng’ato kuomu nyaka luor min gi wuon, kendo nyaka rit Sabato maga. An e Ruoth Nyasaye ma Nyasachu.

Tim jo-Lawi 19:32

“Nyaka uchung’ ni ng’ama duong’ ma wiye oti lwar, kumiye duong’ kendo uluor Ruoth Nyasaye ma Nyasachu. An e Ruoth Nyasaye.

Malaki 1:6

Ruoth Nyasaye Manyalo Gik Moko Duto owacho ni jodolo niya, “Wuowi nyaka mi wuon luor, kendo jatich bende nyaka luor ng’at ma otiyone. To an dak umiya duong’, to an wuonu? Koso dak umiya luor, to an ema utiyona? Usejara, to eka upenja ni, ‘Ere kaka wasejari?’

Mathayo 19:19

luor wuoru gi meru, kendo her wadu kaka iherori iwuon.”

Mariko 10:19

Donge ing’eyo chike mawacho ni, ‘Kik ineki, kik iterri, kik ikwal, kik ihang wach, kik imechi e yor wuond, kendo ni, luor wuoru gi meru’?”

Mariko 7:10

Musa nochiko ni, ‘Luor wuoru gi meru’, kendo ni, ‘Ng’at moyanyo wuon kata min nyaka negi’

Luka 18:20

Donge ing’eyo chike, mawacho ni, ‘Kik iterri, kik ineki, kik ikwal, kik ihang wach,’ kendo ni ‘Luor wuoru gi meru’?”

Jo-Efeso 5:21

Beduru gi winjruok e kindu, kumiyogo Kristo duong’.

Rapar mar Chik 11:8

“Nyaka urit chike duto ma amiyou kawuono, mondo ubed gi teko kendo ukaw piny ma ubiro donjeno.

Rapar mar Chik 11:9

Kamano unudag aming’a e piny maber kendo momew mane Ruoth Nyasaye osingore ni nomi kwereu gi nyikwagi.

Rapar mar Chik 21:18

“Kapo ni ng’ato nigi wuowi ma wiye tek kendo ma achach, ma ok nyal winjo jonywolne, kata da gikume,

Rapar mar Chik 25:15

Nyaka ubed gi rapim kod rapur malong’o kendo makare mondo udag aming’a e piny ma Ruoth Nyasaye ma Nyasachu biro miyou.

Rapar mar Chik 27:16

“ ‘Okuong’ ng’at mochayo wuon kata min.

Rapar mar Chik 32:47

nikech ok gin weche manono, to gin e ngimau. Kuritogi, to gibiro miyo udag aming’a e piny ma ubiro kawo ka useng’ado aora Jordan.”

Rapar mar Chik 4:26

Koro aluongo polo gi piny mondo obed janeno ni, ka timbeu obedo maricho e nyim Ruoth Nyasaye ma Nyasachu kamano, mokecho kodu, to unurum piyopiyo, kendo ok nudag aming’a e piny ma koro ung’ado Jordan mondo udhi ukaw, to notieku chuth.

Rapar mar Chik 4:40

Emomiyo rituru buche kod chike Nyasaye ma amiyou kawuono. Eka un kaachiel gi nyikwau unubed maber, kendo unudag aming’a e piny ma Ruoth Nyasaye ma Nyasachu miyou mondo obed maru nyaka chieng’.”

Rapar mar Chik 5:16

“ ‘Luor wuoru gi meru kaka Ruoth Nyasaye ma Nyasachu nochikou, eka mondo udag aming’a, kendo udhi maber e piny ma Ruoth Nyasaye ma Nyasachu biro miyou.

Rapar mar Chik 5:33

Luwuru yo ma Ruoth Nyasaye ma Nyasachu osechikou, mak ubaro koracham kata korachwich. Bang’e eka unubed maber kendo unudag aming’a e piny ma udhi kawo.

Rapar mar Chik 6:2

E ngimau duto un kaachiel gi nyikwau nyaka uluor Ruoth Nyasaye ma Nyasachu, kendo urit buchene gi chikene ma amiyou kawuono. Bang’e eka unudag maber aming’a.

Jo-Kolosai 3:20

Un nyithindo, winjuru jonywolu e weche duto, nikech mano ema long’o ni Nyasaye, kendo en gima joma obedo kuom Kristo onego tim.

Ruth 3:6

Ruth nodhi kar dino motimo duto mane wuon odgi owachone.

1 Samuel 22:3

Daudi noa kanyo, modhi Mizpe e piny Moab. Nowacho ni ruodh Moab niya, “Akwayi, yie mondo wuora gi mama odag kodi, nyaka chop ang’e gima Nyasaye biro timona.”