Wuok 2:3 - MUMA MALER 2015

³ To kane koro ok onyal medo pande, nokawo adita mochwe gi togo, mi omwono gi lop chwech kod odok, mondo kik chwer. Nopielo nyathi ei aditano, eka nokete ei togo e bath aora Nael.

Motingʼo Loko Manyien

³ To ka koro ne ok onyal medo pande, nokawo osera mochwe gi togo momuono gi lowo kod odok. Bangʼe noketo nyathino ei oserano kendo noketo oserano ei odundu e tiend aora Nael.

Wuok 2:3 ပူးပေါင်းရင်းမြစ်များ

Chakruok 11:3

Bang’e ne giporo wach niya, “Walosuru matafari kendo wawang’gi mochiek.” Ne gikonyore gi matafari kar kite, kendo lam kar simit kuom gedo.

Chakruok 14:10

To ne nitie buche mang’eny motimo chuodho e holo Sidim kendo ruodhi mag Sodom gi Gomora nonyumore e buchego kane gitemo ringo lweny. Ruodhi mamoko to noringo motony e gode.

Chakruok 6:14

Omiyo los yie gi yien mabeyo, kipogo iye udi, kendo imwone gi odok oko gi iye.

Wuok 1:22

Bang’e Farao nochiko joge duto niya, “Nyithindo ma chwo duto ma jo-Hibrania onywolo, mondo uwit e aora Nael, to nyiri uwe odongi.”

Isaya 18:2

Pinyno oro joote kaluwo aora Nael gi yiedhi mohondhi gi odundu. Un joote ma jong’wech, doguru ir jou, gin ji maboyo kendo ma dendgi poth, ma ji oluoro kuonde duto. Gin ji marateke, maloyo ogendini mamoko, kendo ma pinygi aore opogo opogo.

Isaya 19:6

kendo kuonde ma pi luwo nodum marach. Aore mamoko mag Misri nodwon mi two, kendo odundu gi se bende nowang’.

Isaya 35:7

Lop kuoyo ma yande chieng’ oowo gi liet nolokre dago mar pi, kendo sokni nowuog e lowo motwo, mi kuonde ma yande ondiegi ema odakie bed kuonde ma lum gi odundu gi togo dongoe.

Mathayo 2:13

To kane ajuoke osewuok, malaika mar Ruoth nofwenyore ni Josef e lek, mowacho ne niya, “A malo, ikaw nyathi kod min mare mondo iring idhi Misri, kendo ibed kuno nyaka aduogni wach, nimar Herode biro dwaro nyathino mondo onegi.”

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Tich Joote 7:19

Ne owuondo jowa gi rieko, kendo otimo ni kwerewa malit, kochunogi mondo giwit nyithindgi matindo oko, mondo otho.