Wuok 2:23 - MUMA MALER 2015

²³ Bang’e achien, ruodh Misri notho, to jo-Israel ne pod ng’ur malich kuom bedo wasumbini, kendo ne giywak malit mondo ogolgi e thagruok ma kamano. Ywakgino notundo ni Nyasaye

Motingʼo Loko Manyien

²³ E kinde mane Musa pod odak Midian, Farao ruodh Misri notho. Jo-Israel ne ngʼur ahinya kuom tichgi mar wasumbini mi giywak malit, kendo ywakgi mondo oresgi e tich mar bedo misumba nochopo ir Nyasaye.

Wuok 2:23 ပူးပေါင်းရင်းမြစ်များ

Chakruok 16:11

“In gi ich, kendo ibiro nywolo nyathi ma wuowi. Inichak nyinge ni Ishmael, tiende ni, ‘Nyasaye winjo’, nikech Ruoth Nyasaye osewinjo chandruokni.

Chakruok 4:10

Ruoth Nyasaye nopenje kendo niya, “Ang’o misetimoni? Winji! Remb owadu misechuero ywakna e lowo.

Nehemia 9:9

“Bende nineno masiche mane kwerewa oyudo e piny Misri, kendo niwinjo ywakgi e Nam Makwar.

Ayub 35:9

Ka ji yudo thagruok, kithirogi, to gichur kendo giywak ni mondo ng’ato oresgi.

Zaburi 102:1

A Ruoth Nyasaye, chik iti ni lemona, kendo winj ywakna mondo ikonya.

Zaburi 102:2

Kik ipandna wang’i ka an e chandruok, to chik iti mondo iyie idwoka piyo ka aluongi.

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 18:6

Kane anie chandruok, ne akwayo Ruoth Nyasaye. Naywak ni Nyasacha mondo okonya, mi owinjo dwonda gie Hekalu mare, ka ywakna ochopo e ite.

Wuok 1:14

ka gimiyo ngimagi doko matek gi tije achune mag nyono lowo, gi loso matafari, kod tije duto mag pur.

Wuok 4:19

Ruoth Nyasaye nowacho ni Musa e piny Midian niya, “Koro dog Misri, nikech jogo duto ma nyocha dwaro negi osetho.”

Wuok 6:5

Koro asewinjo ywak jo-Israel ma jo-Misri oseloko wasumbni, mi aseparo singruok mane atimono.

Wuok 6:9

Musa noluwo ni jo-Israel wechegi, to ne ok gidewe, nimar chunygi nool nikech tich matek mar bedo wasumbni.

Wuok 7:7

E kinde mane giwuoyoe gi Farao, Musa ne jahigni piero aboro, to Harun ne jahigni piero aboro gadek.

Isaya 19:20

Sirono nochung’ kanyo kaka ranyisi, kendo kaka rapar ni Ruoth Nyasaye Manyalo Gik Moko Duto e Misri, mondo ka giywakne e kinde ma wasikgi thirogi, to oornigi jawar, mondo okonygi kendo oresgi.

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Kwan 20:16

to kane waywak ni Ruoth Nyasaye mondo okonywa, nowinjo ywakwa, mooro malaika mogolowa Misri, omiyo koro wan Kadesh, dala ma en tong’ pinyi.

Tich Joote 7:30

“Bang’ dak kuno kuom higni piero ang’wen, malaika nofwenyorene e mach maliel e bungu, e thim mar got Sinai.

Rapar mar Chik 24:15

Nyaka imiye pokne pilepile kapok chieng’ opodho, nimar en jachan kendo pokneno ema konye. Ka ok itimo kamano, to onyalo ywakni kuom Ruoth Nyasaye, mi dibed jaketho.

Jakobo 5:4

To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.

Jong’ad Bura 4:3

kendo ne en gi geche lweny mag nyinyo mia ochiko. Nothago jo-Israel malit kuom higni piero ariyo. Omiyo jo-Israel noywak ni Ruoth Nyasaye mondo okonygi.

1 Samuel 12:8

Kane Jakobo gi yawuote osedhi Misri, jo-Misri koro ne sando nyikwagi ma kwereu. Omiyo ne giywak ni Ruoth Nyasaye, mi Ruoth Nyasaye nooro Musa gi Harun mogologi, kendo omiyogi kama wadakieni.

1 Samuel 9:16

“Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”