Wuok 2:22 - MUMA MALER 2015

²² Zipora nonywolo ni Musa wuowi, mi Musa nochako ni Gershom, (tiende ni jadak ka). Nochake kamano nikech noneno ni osedoko jadak e piny ma ok margi.

Motingʼo Loko Manyien

²² Zipora nonywolo wuowi mi Musa nochako nyinge ni Gershom, kowacho niya, “Asedoko jadak e piny ma ok marwa.”

Wuok 2:22 ပူးပေါင်းရင်းမြစ်များ

Chakruok 23:4

“An mana wendo, kendo jadak e kindu. Yieuru umiya lowo moromo kar yiko, mondo ayikie ng’ata e yo mowinjore.”

1 Weche mag Ndalo 16:20

Ne giwuotho e kind ogendini ka gidak kuonde mopogore opogore.

1 Weche mag Ndalo 29:15

Wan mana welo kendo jodak e nyimi, kaka kwerewa bende nobet. Ndalowa e piny ka, chalo gi tipo makadho, kendo waonge kar dak mosiko.

Zaburi 119:19

Anie pinyka mana kuom kinde matin, omiyo kik ipandna chikeni.

Zaburi 39:12

A Ruoth Nyasaye, winj lemona, kendo chik iti ni ywakna, kik iling’ kineno ka pi wang’a chwer. An wendoni e pinyni mana kuom kinde matin kende, kaka kwerewa bende nobedo wendi.

Wuok 2:10

Kane oseweyo dhoth, notere ir nyar Farao, ma koro nokawe ka mare. Nowacho niya, “Ne agole e pi.” Emomiyo nochake ni Musa (tiende ni mogol.)

Wuok 22:21

“Kik uthag jadak, kata kik uthire, nikech un bende ne un jodak e piny Misri,

Wuok 4:20

Mi Musa nokawo chiege gi nyithinde, kendo noketogi e kanyna, modok Misri, koting’o luth mane Nyasaye omiye.

Tim jo-Lawi 25:23

“Ka ng’ato ong’iewo lowo kuom wadgi, to lowono ok nobed mare nyaka chieng’, nikech an e wuon lowo, to un, un mana jodakna.

Tich Joote 7:29

Kane Musa owinjo kamano, noringo oa Misri, mi odhi odak e piny Midian, kendo kane en kuno nonywolo yawuowi ariyo.

Jong’ad Bura 18:30

Bang’e jo-Dan nochungo kido manono cha mondo gilam, kendo Jonathan nyakwar Gershom ma wuod Musa, kaachiel gi yawuote kod nyikwaye, nobedo jodolo mag dhood Dan nyaka ndalo mane odarie jo-Israel, moter e tuech.

1 Samuel 1:20

Nomako ich, kendo kane ndalo ogik, nonywolo wuowi, mi owacho niya, “Achake ni Samuel, nikech ne akwaye Ruoth Nyasaye.”