Wuok 2:20 - MUMA MALER 2015

²⁰ Reuel nopenjo nyige ni, “En kanye? Mar ang’o uweye kuno? Dhiuru uluonge obi ochiem kodwa.”

Motingʼo Loko Manyien

²⁰ Reuel nopenjo nyige niya, “En kanye? Marangʼo uweye? Luongeuru mondo oyud gimoro ocham.”

Wuok 2:20 ပူးပေါင်းရင်းမြစ်များ

Chakruok 18:5

Abiro kelonu chiemo mondo omedu teko, eka unyalo dhi nyime gi wuodhu mosekelou irani.” Ne gidwoke niya, “Mano ber, tim kamano.”

Chakruok 29:13

To kane Laban owinjo ni Jakobo wuod nyamin obiro, nodhi piyopiyo mondo oromne. Nokwake monyodhe, eka nokele dala, bang’e Jakobo nonyiso Laban gik moko duto mane osetimore,

Chakruok 31:54

Noyang’o chiayo moro, motimogo misango e godno, kendo noluongo wedene mondo obi ochiem. Kamano ne gichiemo kaachiel, kendo ne ginindo kanyo.

Chakruok 43:25

Ne gigolo chiwo mane gikelo, mi giritogo biro Josef sa auchiel, nimar ne giwinjo ni gibiro chiemo kode.

Ayub 31:32

Jowuoth bende aserwako e dalana, kendo pok aweyo ginindo e yo.

Ayub 42:11

Owete Ayub duto, gi nyiminene kod osiepene machon, ne obiro lime, mi ochiemo kode e ode. Ne giywage, mi gihoyo chunye kuom thagruok ma yandi Ruoth Nyasaye osekelo kuome, kendo moro ka moro nomiye pesa kod tere mar dhahabu.

Wuok 2:19

Ne gidwoke ni, “Ja-Misri moro noresowa ka jokwath moko thagowa, bende en ema nende omiyo jambwa pi.”

Wuok 2:21

Musa noneno ni ber mondo odag gi ng’atno, mi Reuel nomiye nyare ma Zipora, mokendo.

1 Timotheo 5:10

kendo ma ji oyiego ni timbene beyo, bende moserito nyithinde maber. Bende nyaka obed dhako mohero rwako welo kendo moyie konyo jo-Nyasaye kadwokore piny e tich moro amora kaka lwoko tiend jo-Nyasaye, kendo nyaka oket chunye kuom tiyo tije mabeyo duto.

Jo-Hibrania 13:2

Kik uwe mak urwako welo e miechu, nikech rwako welo nomiyo jomoko opo mana korwako malaika!