Wuok 2:16 - MUMA MALER 2015

¹⁶ Noyudo ka jadolo mar Midian nigi nyiri abiriyo. Nyigo nobiro umbo pi, mi giolo e mberni ma jamni modhoe, mondo jamb wuon-gi omodhi.

Motingʼo Loko Manyien

¹⁶ Jadolo moro mar jo-Midian ne nigi nyiri abiriyo, negibiro tuomo pi ka giolo e karaya mondo jamb wuon-gi omodhi.

Wuok 2:16 ပူးပေါင်းရင်းမြစ်များ

Chakruok 14:18

To Melkizedek mane ruodh Salem kendo jadolo mar Nyasaye Maduong’ Moloyo nokeloni Abram chiemo gi divai kendo noguedhe,

Chakruok 24:11

Nochopo godhiambo e sa ma mon dhiye kulo. Nomiyo ngamiago ogoyo chonggi piny e dho soko mane ni but dalano.

Chakruok 24:13

Eri, achung’ e dho sokoni, kama nyi dalani biro umboe.

Chakruok 29:2

Nopo koneno soko e pap ka kweth adek mag rombe onindo e dire. Sokono ema ne jamni modhoe, to ne nitie kidi maduong’ ahinya e dhoge,

Chakruok 41:45

Nochako Josef ni Zefenath-panea. Nonywomone nyako ma nyinge Asenath nyar Potifera, jadolo mar dala On. Kamano Josef nobedo gi teko e piny Misri duto.

Wuok 18:1

Jethro jadolo mar Midian, kendo jaduong’ Musa, nowinjo gik moko duto mane Nyasaye osetimo ni Musa gi jo-Israel, kendo kaka Ruoth Nyasaye nogologi Misri.

Wuok 18:12

Bang’e Jethro notimo ni Nyasaye misango miwang’o pep, kod misengni mamoko. Harun gi jodong Isarel duto ne jobiro mochamo sawono gi Jethro e nyim Nyasaye.

Wuok 3:1

Chieng’ moro Musa ne kwayo jamb Jethro jaduong’ne, ma jadolo mar Midian. Nong’ado thim gi jamni nyaka Horeb god Nyasaye.

1 Samuel 9:11

Kane pod giidho got, ka gichiko dalano, ne giromo gi nyiri moko kadhi umbo pi, mi gipenjo niya, “Janen nitie?”