Wuok 2:14 - MUMA MALER 2015

¹⁴ Jalo nodwoke ni, “Ng’ano moketi jatendwa kata jang’adnwa bura? Koso idwaro nega kaka ninego ja-Misri cha?” Kane Musa owinjo kamano, kibaji nogoye, koparo ni, “Adier, kara nyaka bed ni wachni oseng’ere!”

Motingʼo Loko Manyien

¹⁴ Ngʼatno nodwoke niya, “En ngʼa ma oketi ruoth kendo jangʼadnwa bura? Iparo mar nega kaka nyoro inego ja-Misri cha?” Ka Musa nowinjo kamano, kibaji nogoye mobedo maluor koparo niya, “Gima nyoro atimo nyaka bed ni osengʼere.”

Wuok 2:14 ပူးပေါင်းရင်းမြစ်များ

Chakruok 13:8

Eka Abram nowacho ni Lut niya, “Wan wede; dhaw ok onego bed e kindwa kodi, kata e kind jokwadhi gi jokwadha.

Chakruok 19:9

To ne gidwoke niya, “Aye e nyimwa, jadakni! In ok iromo nyisowa gima onego watim. Aye e nyimwa, nimar dipo ka watimoni marach moloyogi!” Mi ne gidhiro Lut, ka gisudo mondo gimuk dhoot.

Chakruok 34:27

Yawuot Jakobo mamoko nomonjo joma ne owetegi osehinyogo, mi giyako dalano nikech jogo nosekuodo wi nyamin-gi.

Ngeche 19:12

Ruoth ma mirima omako chalo gi sibuor maruto, to ka omor kodi, to morneno chalo koth machue.

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Kwan 16:13

Iparo ni gol mane igolowago e piny maber kendo momew mondo watho e thim ka, en gima tin koso, ma pod idwaroe mana ni nyaka ibed jatendwa?

Kwan 16:3

Ne giriwore giduto ni Musa gi Harun, mi giwachonigi niya, “Marang’o uhedhoru moloyo, to ng’ato ka ng’ato kuom oganda jo-Israel owal ni Ruoth Nyasaye, kendo Ruoth Nyasaye ni kodgi giduto. Ere gima omiyo ukaworu moloyo jo Ruoth Nyasaye duto?”

Mathayo 21:23

Kane Yesu ochako odonjo e Hekalu, jodolo madongo kod jodong oganda nobiro ire kane oyudo opuonjo, mopenje niya, “Ere teko ma in-go, momiyo itimo gik makamagi? Koso ng’ama omiyi teko mar timogi?”

Luka 12:14

To Yesu nodwoke kapenje ni, “Omera, ng’a moketa jang’ad bura kata jathek e kindu?”

Luka 19:14

To jothurgi ng’atno ne osin kode, omiyo ne gioro joote kuma ne odhiyeno gi wach ni, ‘Ok wadwar mondo jalo obed ruodhwa.’

Luka 19:27

To wasika mane ok dwar ni mondo abed ruodhgi to keluru ka mondo uneg mana ka aneno.’ ”

Tich Joote 7:35

“Kamano Musa, mane jo-Israel osekwedo, kapenjo ni ng’ano mane okete jatendgi kendo jang’adnigi bura, ema Nyasaye nooro ka jatelo kendo ka jawar, komiyo malaika mane ofwenyorone e bungu loso kode.

Jo-Hibrania 11:27

Yie ema nomiyo owuok Misri ka ok oluoro mirimb ruoth. Ne odhil mana ka ng’ama oneno Nyasaye ma ok ne.