Wuok 2:10 - MUMA MALER 2015

¹⁰ Kane oseweyo dhoth, notere ir nyar Farao, ma koro nokawe ka mare. Nowacho niya, “Ne agole e pi.” Emomiyo nochake ni Musa (tiende ni mogol.)

Motingʼo Loko Manyien

¹⁰ Ka nyathino nosedongo mobedo maduongʼ nokawe motere ne nyar Farao kendo nyathino nodoko wuod nyar Farao. Nochake ni Musa kowacho niya, “Ne agole e pi.”

Wuok 2:10 ပူးပေါင်းရင်းမြစ်များ

Chakruok 16:11

“In gi ich, kendo ibiro nywolo nyathi ma wuowi. Inichak nyinge ni Ishmael, tiende ni, ‘Nyasaye winjo’, nikech Ruoth Nyasaye osewinjo chandruokni.

Chakruok 4:25

Adam nochako oriwore gi chiege, mi chiege nonywolo wuowi moro, mochako ni Seth, (tiende ni, mich,) nikech Nyasaye nosemiye wuowino kar Habil mane Kain onego.

Chakruok 48:5

Eka Jakobo nomedo wacho ni Josef niya, “Yawuoti ariyo mane inywolo Misri kapok abiro iri kaeri, ibiro kwan ka nyithinda. Adier, Efraim gi Manase biro bedo maga, mana kaka Reuben gi Simeon.

2 Samuel 22:17

Norieyo bade ka en malo, mi omaka, kogola e ataro-ngala.

Wuok 2:9

Kane dhakono obiro, nyar Farao nowachone niya, “Kaw nyathini, ipidhna, kendo abiro chuli kuom timo kamano.” Mi dhakono nokawe, mopidhe.

Mathayo 1:21

Obiro nywolo wuowi, mi ichak ni Yesu, tiende ni Jawar, nikech enowar joge kuom richogi.”

Jo-Galatia 4:5

mondo owar joma nie bwo Chik, eka wabed yawuot Nyasaye.

Jo-Hibrania 11:24

Yie ema ne omiyo Musa odagi ni kik luonge ni wuod nyar Farao, kane osedoko ng’ama duong’.

1 Johana 3:1

Mano hera maduong’ manadi ma Wuoro osenyisowa kuom luongowa ni nyithind Nyasaye! Adier, wan nyithinde! Gimomiyo piny ok ong’eyowa en ni, piny kia Nyasaye.

1 Samuel 1:20

Nomako ich, kendo kane ndalo ogik, nonywolo wuowi, mi owacho niya, “Achake ni Samuel, nikech ne akwaye Ruoth Nyasaye.”