Wuok 19:9 - MUMA MALER 2015

⁹ Eka Ruoth Nyasaye nowacho ni Musa niya, “Abiro biro iri ka an ei bor polo mapek, mondo awuo kodi ka ji winjo, mondo gen ma gigenigo kik rum.” Musa nonyiso Ruoth Nyasaye gima ji nodwoko.

Motingʼo Loko Manyien

⁹ Jehova Nyasaye nowacho ne Musa niya, “Abiro biro iru e boche polo mondo omi oganda owinj kaka awuoyo kodi kendo mano biro miyo giket genogi kuomi ndalo duto.” Eka Musa nonyiso Jehova Nyasaye gima oganda nowacho.

Wuok 19:9 ပူးပေါင်းရင်းမြစ်များ

1 Ruodhi 8:12

Eka Solomon nowacho niya, “A Ruoth Nyasaye, niketo wang’ chieng’ e polo malo, to isewacho ni nidag e mudho mandiwa.

2 Weche mag Ndalo 20:20

Jo-Juda ne ochiew gokinyi mang’ich mondo odhi e thim Tekoa, to kane gidhi, Jehoshafat nochung’ mowachonigi niya, “Winjuru un jo-Juda gi joma odak Jerusalem! Genuru kuom Ruoth Nyasaye ma Nyasachu, mi unukwo, kendo genuru kuom jonabi mage, mi unulo.”

2 Weche mag Ndalo 6:1

Solomon nowacho niya, “A Ruoth Nyasaye niwacho ni nidag e mudho mandiwa.

Zaburi 97:2

Boche polo gi mudho molil olworo Ruoth Nyasaye, kendo lochne otenore kuom tim makare kod adiera.

Zaburi 99:7

Ne owuoyo kodgi gi e siro mar bor polo. Bang’e ne girito chike kod buche mane omiyogi.

Wuok 14:31

Kane jo-Israel oneno teko maduong’ mane Ruoth Nyasaye okumogo jo-Misri, ne giluore, mi ne giyie kuome kendo kuom Musa jatichne.

Wuok 19:16

Chieng’ mar adek, kane piny oru, polo ne mor kendo mil ewi got, bende ne nitie bor polo mapek, kendo tung’ ma ywak, mi ji duto mane nie kambi nokirni.

Wuok 20:21

Ji nochung’ gi chien, to Musa kende ema nosudo machiegni gi bor polo mapek mane Nyasaye nie iye.

Wuok 34:5

Eka Ruoth Nyasaye nolor e bor polo, mochung’ bute kanyo, mi ohulo nyinge ma JEHOVA.

Wuok 4:31

mi ne giyie ni kara Ruoth Nyasaye oseoro Musa adier. Bende kane giwinjo ni Ruoth Nyasaye oselimo jo-Israel, moneno chandruokgi, ne gikulore, mi gilame.

Wuok 4:5

Ruoth Nyasaye nowachone niya, “Tim kamano mondo onyis jo-Israel ni Ruoth Nyasaye ma Nyasach kweregi, ma Nyasach Ibrahim gi Isaka kod Jakobo osefwenyoreni.”

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Isaya 7:9

bende kata ni Samaria e dala maduong’ mar Efraim nokethi, mi ok nochak obed oganda kendo. Kuom mano, bed gi yie motegno kuom Nyasaye, nono to ok ibi chung’ mogurore.’ ”

Kwan 12:5

eka Ruoth Nyasaye nolor e siro mar bor polo. Nochung’ e dho Hema, mi oluongo Harun gi Miriam,

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Mariko 9:7

Eka bor polo nobiro moumogi gi tipone, kendo ne giwinjo dwol moro kowacho gi e bor polono niya, “Mae wuoda mahero! Winjeuru.”

Luka 10:16

Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”

Rapar mar Chik 4:10

Nyaka uparnigi gik mane otimore chieng’ mane uchung’ Horeb e nyim Ruoth Nyasaye ma Nyasachu cha, ka Ruoth Nyasaye wachona ni, ‘Chokna ji e nyima ka, mondo giwinj kawuoyo kodgi, kendo gipuonjre luora e ngimagi duto.’

Rapar mar Chik 4:36

Ne oyienu winjo dwonde gie polo mondo opuonjugo, bende noyienu neno maye malich e piny, kendo nuwinjo wechene kawuok ei majno.

Fweny 1:7

Neuru, obiro gi boche polo, kendo ng’ato ka ng’ato nonene. Jogo mane ochwowe nonene, kendo ogendini duto mag piny nobed gi kuyo nikech en. Ber mondo obed kamano! Amin.