Wuok 19:6 - MUMA MALER 2015

⁶ Unubed oganda mowal, matiyona ka jodolo.’ Mano e wach ma onego inyis jo-Israel.”

Motingʼo Loko Manyien

⁶ un to ubiro bedona oganda mar jodolo kendo oganda maler.’ Magi e weche manyaka iwachne jo-Israel.”

Wuok 19:6 ပူးပေါင်းရင်းမြစ်များ

1 Ruodhi 3:8

Iseketa e kind jogi miseyiero, ma gin ji mathoth mokadho akwana.

1 Ruodhi 8:53

nimar niyierogi kuom ji duto mae piny mondo gibed jogi, kaka kwerewa Misri.”

1 Weche mag Ndalo 17:22

Niloko jo-Israel mondo obed jogi nyaka chieng, kendo in Ruoth Nyasaye, ema isedoko Nyasachgi.

Zaburi 114:2

Juda nodoko kama owal ni Ruoth Nyasaye, to Israel nodoko mwandune owuon.

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Wuok 22:31

“Unubed ji mowalna, omiyo kik ucham ring’o ma ondiek onego oko e thim, to nyaka uwite mana ni guogi.

Wuok 28:36

“Los gima opamore ka san gi dhahabu maler, kendo indikie ni, ‘MOWAL NI RUOTH NYASAYE’. Wechego nyaka gor kaka igoro tere migoyogo sei.

Isaya 43:4

Akwanou ka gima nengone tek, bende un joma ogen, ma ahero, omiyo achiwo pinje moko mondo awarugo. Adier, achiwo jomoko nono mondo aresgo ngimau.

Isaya 61:6

To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Isaya 62:12

Noluonggi ni, ‘Joma owal’, kendo ni, ‘Joma Ruoth Nyasaye osewaro’, kendo ni, ‘Dala ma ok ojwang’.’ ”

Isaya 66:21

Moko kuomgi analok jodolo, kendo moko anami tich jo-Lawi. Ruoth Nyasaye ema owacho kamano.

Jeremia 13:11

Kaka law atueya mako nungo ng’at morwake matek, e kaka nadwaro ni mondo jo-Isarel gi jo-Juda omaka matek, mondo gibed joga, kendo gikel pak kod duong’ ni nyinga. To kata kamano ne gitamore luora.”

Jeremia 2:3

E ndalogo un jo-Israel nubedo joga awuon, kendo nuchalona mana cham ma okwong dumbo. Nakumo ji duto mane dwaro hinyou, kendo ne akelonigi chandruok. An Ruoth Nyasaye ema awacho kamano.”

Jeremia 7:23

To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Tim jo-Lawi 19:2

ni mondo onyis jo-Israel niya, “Nyaka ubed joma ler, nikech an Ruoth Nyasaye ma Nyasachu aler.

Tim jo-Lawi 20:24

Ne gitimo gik marichogo duto, mi asin kodgi, omiyo nawachonu ni abiro miyou pinygi maber kendo momewno mondo ukaw. An e Ruoth Nyasaye ma Nyasachu mosepogou gi ogendini mamoko,

Tim jo-Lawi 20:26

Unubed jogo maler, nikech an Ruoth Nyasaye aler. Asepogou gi ogendini mamoko mondo ubed joga.

Tim jo-Lawi 21:23

To kik osud machiegni gi Pasia kata gi kendo-mar-misango, nikech dipo ka omiyo kuondena maler obedo mogak nimar orang’ol. An e Ruoth Nyasaye mapwodhogi.”

Amos 3:2

kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Hagai 2:5

kendo Roho mara ni kuomu. Kik ubed maluor,

Kwan 16:3

Ne giriwore giduto ni Musa gi Harun, mi giwachonigi niya, “Marang’o uhedhoru moloyo, to ng’ato ka ng’ato kuom oganda jo-Israel owal ni Ruoth Nyasaye, kendo Ruoth Nyasaye ni kodgi giduto. Ere gima omiyo ukaworu moloyo jo Ruoth Nyasaye duto?”

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

1 Jo-Korintho 3:17

To ka ng’ato oketho Hekalu mar Nyasaye, to Nyasaye nokethe, nimar Hekalu mar Nyasaye ler; to un e Hekalu nogo!

Rapar mar Chik 14:21

Kik ucham gima otho kende, nimar un joma ler mowal ni Ruoth Nyasaye ma Nyasachu. Gima kamano unyalo miyo jopinje mamoko modak kodu mondo ocham, kata unyalo ng’iewe gi jopinje mamoko. “Kutedo nyadiel, to kik uolie cha min mare.

Rapar mar Chik 26:19

Obiro ting’ou malo moloyo ogendini mamoko duto mane ochueyo, mondo nyinge oyud duong’ gi pak kod huma. Kamano unubed oganda mowal ni Ruoth Nyasaye ma Nyasachu mana kaka nosingore.”

Rapar mar Chik 28:9

Kurito chike Ruoth Nyasaye ma Nyasachu, kendo uwuotho e yorene, to obiro miyo udoko joge owuon maler, kaka nosesingorenu.

Rapar mar Chik 7:6

nimar un joma owal ni Ruoth Nyasaye ma Nyasachu. Ruoth Nyasaye ma Nyasachu noyierou e kind ji duto mae piny mondo ubed ogandane moyiero.

1 Jo-Thesalonika 5:27

Achikou matek e nying Ruoth mondo usom baruani ni owete duto.

1 Petro 2:5

Biuru ire ka gima un kite mangima, mondo ubed jodolo maler matimo misengni mag chuny ma Nyasaye oyiego kuom Yesu Kristo,

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

Fweny 1:6

mi omiyo wadoko oganda ruodhi matiyone kaka jodolo mag Nyasache kendo Wuon mare. Duong’ kod teko obedne nyaka chieng’! Amin.

Fweny 20:6

Joma ochier e chier mokwongoni gin johawi kendo gin joma ler. Tho mar ariyo onge gi teko kuomgi, to ginibed jodolo mag Nyasaye kod mag Kristo, kendo giniloch kode kuom higni alufu achielgo.

Fweny 5:10

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”